Alona Łanskaja raskazała, jak stvaryła klip z dapamohaj štučnaha intelektu
Zasłužanaja artystka Biełarusi ŭ 2024 hodzie prezientavała klip, pry stvareńni jakoha vykarystoŭvaŭsia štučny intelekt. Jak naradziłasia ideja, jana raskazała «Minsk-Navinam».
Praŭładnaja śpiavačka śćviardžaje, što heta «pieršaja videarabota ŭ Biełarusi z užyvańniem pieradavoj niejratechnałohii».
«Havorka idzie pra ŭnikalnaje spałučeńnie mastactva i inavacyj, jakoje ŭnosić novyja mahčymaści ŭ muzyčnuju i videaindustryi. Kamanda talenavitych mastakoŭ i inžynieraŭ abjadnała namahańni, kab stvaryć vizualnuju malaŭničuju simfoniju. Videa apuskaje ŭ unikalny śviet, dzie niejrasietka tvoryć mahiju, — zachaplalnyja sceny i vizualnyja efiekty, jakija raniej byli niemahčymymi.
Śpiavačka dadała, što «Žyvy Suśviet» źjaŭlajecca dla jaje asablivym.
— Heta pieśnia ab śvietabudovie, źjaŭleńni ludziej na Ziamli, baraćbie sa stracham, pra važnaść nieści ŭ sabie śviatło i dzialicca im z navakolnymi. Kali my chočam dasiahnuć harmonii ŭ śviecie, to, u pieršuju čarhu, pačać treba ź siabie, a Suśviet dabrasłavić! — upeŭnienaja artystka.
Jak Jadźvihin Š. smažyŭ u redakcyi skvarki i čamu łožak Kupały nahadvaŭ dochłaha viarbluda. Ivulin i Astapienia źniali zachaplalny film pra «Našu Nivu»88
Kamientary