Mužčyna słužyŭ u elitnym armiejskim padraździaleńni «Zialonyja bierety».
Učora ŭ Łas-Viehasie (štat Nievada, ZŠA) pierad viežaj Trampa ŭzarvaŭsia kibiertrak Tesla. Aŭto było načynienaje vybuchovymi rečyvami, adzin čałaviek zahinuŭ. Im akazaŭsia sałdatam dziejučaj armii ZŠA, paviedamlajuć amierykanskija ŭłady.
Mužčynu zvali Mećju Livielśbierhier, piša ahienctva Associated Press. Jon byŭ členam elitnaha armiejskaha padraździaleńnia «Zialonyja bierety». «Zialonyja bierety» zmahajucca z terarystami za miažoj, vykarystoŭvajučy nietradycyjnyja mietady. Mužčyna słužyŭ u vojsku z 2006 hoda.
U dzień, kali jon uzarvaŭsia ŭ «Teśle, Mećju byŭ u adpačynku. Jon ža i padazravany pa hetaj spravie.
Siem čałaviek, jakija znachodzilisia pablizu ad kibiertraka, atrymali niaznačnyja traŭmy ŭ vyniku vybuchu.
Hienieralny dyrektar Tesla Iłan Mask zajaviŭ u sacsietcy X: «Ciapier my paćvierdzili, što vybuch byŭ vyklikany vielmi vialikim fiejervierkam i/abo bombaj, jakuju pieravozili ŭ kuzavie arandavanaha kibiertrakiera, i nie maje dačynieńnia da samoha transpartnaha srodku».
Ciapier čytajuć
Kamientary