Pa siužecie, dziejańnie adbyvajecca ŭ pačatku 1990-ch hadoŭ u Rasii.
Brytanski aktor Džud Łou zajaviŭ, što zdymiecca ŭ roli Uładzimira Pucina ŭ ekranizacyi ramana Džulijana da Empoli «Kramloŭski čaraŭnik». Pra heta jon raspavioŭ u intervju Deadline.
Zdymkaj karciny zojmiecca francuzski režysior Aliŭje Asajas, akramia Łou ŭ joj źjaviacca akciory Poł Dano, Alisija Vikander, Zak Halifianakis i Tym Sterrydž. Kali vyjdzie kino, nieviadoma.
«Ja kažu heta nierašuča, bo ja jašče tołkam nie pačaŭ pracavać nad hetym. Heta značyć, ja ŭžo pačaŭ, ale ciapier heta padobna na ŭzychodžańnie na Evierest, tamu ja staju la padnožža hary i hladžu ŭvierch, dumajučy: «O, Boža, što ja skazaŭ?». Mienavita tak ja časta siabie adčuvaju, kali kažu «tak». Ja dumaŭ: «Boža, jak ja heta zrablu?». Ale ŭ lubym vypadku, heta ŭžo mnie vyrašać», — raspavioŭ Łou.
Film «Kramloŭski čaraŭnik» — ekranizacyja adnajmiennaha ramana piśmieńnika Džulijana da Empoli, jaki jon vypuściŭ u lutym 2022 hoda. Pa siužecie, dziejańnie adbyvajecca ŭ pačatku 1990-ch hadoŭ u Rasii.
Hałoŭny hieroj, telepradziusar Vadzim Baranaŭ pačynaje pracavać palittechnołaham Pucina i stanovicca ŭpłyvovym čałaviekam. Taksama ŭ knizie źjaŭlajucca Michaił Chadarkoŭski, Barys Bierazoŭski i Jaŭhien Pryhožyn. Pratatypam samoha Baranava nazyvajuć Uładzisłava Surkova, piša «Novaja hazieta Jeŭropa».
Kamientary