Litva pieradaść Ukrainie try aŭtamabili, kanfiskavanyja ŭ biełarusaŭ za kantrabandu cyharet
Supracoŭniki Mytnaj słužby Litvy na minułym tydni kanfiskavali ŭ hramadzian Biełarusi try aŭtamabili, u jakich pieravozili kantrabandnyja cyharety, paviedamlaje pres-słužba viedamstva.
Mytnaja słužba Litvy adznačyła, što incydent adbyŭsia ŭ punkcie propusku «Miedniki» (ź biełaruskaha boku — «Kamienny Łoh»).
Usiaho biełarusy sprabavali ŭvieźci ŭ Litvu bolš za 3 tysiačy pačkaŭ cyharet. Ich vyjavili pry dapamozie renthienaŭskaj pravierki ŭ roznych miescach: u schovankach pad siadzieńniami, pad parohami aŭtamabila, pad piaredniaj panellu pryboraŭ i inš.
Košt kantrabandnych cyharet acanili ŭ 13 573 jeŭra. Na hramadzian Biełarusi skłali pratakoły ab administracyjnych pravaparušeńniach, im pahražaje štraf ad 2 da 6 tysiač jeŭra.
U pres-relizie havorycca pra kanfiskacyju aŭtamabilaŭ BMW X5, BMW X6 i Mercedes-Benz.
«Takija aŭtamabili pieradajucca dla patreb Ukrainy», — padkreślivaje viedamstva.
U 2024 hodzie, pavodle źviestak mytnaj słužby, Litva pieradała Ukrainie ŭ jakaści humanitarnaj dapamohi 114 kanfiskavanych aŭtamabilaŭ.
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram8
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi1818
Kamientary