Słužba achovy dziaržmiažy Litvy (SADŁ) paviedamiła, što ŭ aŭtorak nočču vyjaviła 14 vypadkaŭ dastaŭki kantrabandnych cyharet mieteazondami ź Biełarusi, i zatrymała bolš za 25 tysiač pačak cyharet, paviedamlaje LRT.lt.
Za minułyja sutki taksama było arhanizavana niekalki zasad, padčas jakich byli zatrymanyja piać čałaviek, jakija padazrajucca ŭ datyčnaści da kantrabandy pavietranych šaroŭ.
Pieravažnaja bolšaść apieracyj pravodziłasia ŭ Paŭdniovaj Litvie ŭzdoŭž miažy z Hrodzienskaj vobłaściu.
SADŁ raspačała dasudovaje rasśledavańnie i niekalki administracyjnych vytvorčaściaŭ u dačynieńni da pieravozki padakcyznych tavaraŭ.
Anałahičnyja dziejańni, nakiravanyja na błakavańnie pieravozki kantrabandy z dapamohaj mieteazondaŭ i inšymi mietadami, praciahvajucca i płanujucca da praviadzieńnia ŭ najbližejšaj budučyni, havorycca ŭ paviedamleńni.
U apošni čas, na praciahu bolš čym troch tydniaŭ, adbyłosia značnaje skaračeńnie kolkaści vypadkaŭ kantrabandy na mieteašarach.
Usiaho sioleta zafiksavany 351 mietearałahičny šar, jaki prylacieŭ u Litvu ź Biełarusi, ź ich 138 byli vyjaŭlenyja i pierachoplenyja.
Ciapier čytajuć
Kamientary
U Miensku niejkija miški kaliści prylacieli, ledź Maskva štany nie abdziełała z tremarnym dziedam. A tut "bambiać" sotniami i jak z husia vada.