Kamisija pa najmieńni i pierajmienavańni praśpiektaŭ, vulic, płoščaŭ i inšych składovych častak Minska pry Minharvykankamie 15 studzienia sabrałasia na pasiadžeńnie, na jakim prapanavała nazvy dla 9 novych staličnych vulic, adnaho zavułka i adnaho skviera, pišuć «Minsk-Naviny».
Vulicy na terytoryi žyłoj zabudovy na skryžavańni vulic Rafijeva i Jasienina prapanavana dać imia partyzanskaha kamandzira časoŭ Druhoj suśvietnaj vajny Baćki Minaja. Zavułku ŭ tym ža rajonie prapanujecca dać nazvu Viaršynny.
U kompleksie žyłoj zabudovy «Utulny» ŭ kvartale adnakvaternych i błakavanych žyłych damoŭ siadzibnaha typu ŭ rajonie vulic Parnikovaj — Padlesnaj — Anajeva siami vulicam prapanavana prysvoić imiony Juryja Hryhorjeva, Ludmiły Hafo, Michaiła Paruśnikava, Lva Mackieviča, Viktara Anikina, Andreja Hramyki i Anatola Hurynoviča. Pieršyja piaciora — architektary, a Hramyka i Hurynovič — dypłamaty. Pieršy praciahły čas byŭ ministram zamiežnych spraŭ SSSR, a druhi — ministram zamiežnych spraŭ BSSR.
Jašče adna vulica ŭ tym ža kvartale maje stać Dypłamatyčnaj.
Urešcie, skvieru ŭ miežach vulic Karžanieŭskaha, DS «Kurasoŭščyna» i AAT «Intehrał» prapanavana prysvoić imia Piatra Hajdzienki.
Paviedamlajecca, što ŭpraŭleńnie kultury Minharvykankama (220004, h.Minsk, vuł. Rakaŭskaja, 17) razhladaje vodhuki žycharoŭ horada pa prapanavanych nazvach na praciahu dvuch tydniaŭ paśla publikacyi.
Na tym samym pasiadžeńni byŭ taksama dadzieny admoŭny vierdykt na prapanovu danosčycy Volhi Bondaravaj pierajmienavać vulicu Kastusia Kalinoŭskaha ŭ vulicu Alaksandra Miadźviedzia.
Kamientary
Tam problem s rusiazom niet!....
Što za dyviersija ŭ Vybary?!