Prezident ZŠA zajaviŭ, što padpisaŭ ukaz ab pamiłavańni Rosa Ulbrychta, jaki byŭ zasnavalnikam handlovaj placoŭki Silk Road («Šaŭkovy šlach») u darknecie i asudžany na dva pažyćciovyja terminy, piša Bi-bi-si.
U 2015 hodzie sud Manchetena pryznaŭ jaho vinavatym u raspaŭsiudzie narkotykaŭ, udziele ŭ złačynnaj arhanizacyi, admyvańni hrošaj, padrobcy dakumientaŭ i kampjutarnym uzłomie. Na sajcie Silk Road, jaki byŭ zakryty ŭ 2013 hodzie paśla aryštu Ulbrychta, pradavalisia narkotyki, padroblenyja dakumienty, chakierskaje abstalavańnie i inšyja zabaronienyja tavary.
Sajt byŭ dastupny praz abaronienuju sietku Tor, a tavary možna było nabyć za bitkojny — u toj čas kryptavaluta tolki nabirała papularnaść, i Silk Road byŭ adnym ź niešmatlikich miescaŭ, dzie jaje aktyŭna vykarystoŭvali. Heta taksama była adna z najbujniejšych handlovych placovak u darknecie, a abarot sajta, pavodle danych amierykanskich uładaŭ, składaŭ bolš za 200 miljonaŭ dalaraŭ.
U svajoj sacyjalnaj sietcy Truth Social Tramp napisaŭ, što patelefanavaŭ maci Ulbrychta i paviedamiŭ joj, što pamiłavaŭ syna.
«Jon atrymaŭ dva pažyćciovyja terminy plus 40 hadoŭ. Heta niedarečna!» — zajaviŭ Tramp. Na sudzie Ulbrycht kazaŭ, što stvaryŭ sajt jak ekśpierymient, pieradaŭšy paśla hetaha kiravańnie inšym ludziam, i nie atrymlivaŭ z hetaha prybytku.
«Ja chacieŭ dać ludziam mahčymaść rabić vybar u svaim žyćci i mieć kanfidencyjalnaść i ananimnaść», — kazaŭ jon na słuchańniach.
Paśla vyniasieńnia vierdyktu prysiažnych Ulbrycht źviarnuŭsia da sudździ fiederalnaha suda Manchetena Ketryn Forest z prośbaj nie pryznačać pažyćciovy termin.
«Ja viedaju, što vy pavinny zabrać maje darosłyja hady, — kazaŭ jon. — Ale, kali łaska, pakińcie mnie maju staraść».
Forest zastałasia niepachisnaj i zajaviła, ahałošvajučy prysud, što Ulbrycht «ničym nie lepšy za luboha inšaha narkahandlara».
Tramp raniej namiakaŭ, što moža źmiakčyć prysud Ulbrychtu paśla ŭstupleńnia na pasadu. Za jaho vyzvaleńnie vystupała Libiertaryjanskaja partyja, jakaja zajaŭlała, što sprava Ulbrychta źjaŭlajecca prykładam złoŭžyvańnia ŭładaj.
Ciapier čytajuć
Niaklajeŭ apublikavaŭ złabadzionny vierš. U im zhadvajecca i Kaleśnikava z Babarykam, i Cichanoŭskaja, i Prakopjeŭ z Paźniakom12
Niaklajeŭ apublikavaŭ złabadzionny vierš. U im zhadvajecca i Kaleśnikava z Babarykam, i Cichanoŭskaja, i Prakopjeŭ z Paźniakom
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1919
Kamientary
Nijakaha złomu systemy i raspryhonieńnia nie adbyłosia.
Što nie pieraškadžaje radacca za Rosa. Vir Fortis