Pa pravuju ruku ad Łukašenki — Kola, pa levuju — Naścia Kazyryckaja. Nahadvajem, chto jana takaja
Dziaŭčyna, na 49 hadoŭ maładziejšaja za Alaksandra Łukašenku, čaściakom supravadžaje jaho na publičnych mierapryjemstvach.
Źviartaje na siabie ŭvahu rassadka najbližejšaha koła Alaksandra Łukašenki na kancercie ŭ «Minsk-Arenie» — finalnym ahitacyjnym mierapryjemstvie «Marafona adzinstva».
U centry, naturalna, Alaksandr Łukašenka. Pravaruč ad jaho syn Kola. Dalej za im siadzić Śviatłana Kanašenka — asabistaja doktarka Łukašenki, jakaja niekali adkazvała za vychavańnie Koli, a ciapier, padajecca, skancentravana na absłuhoŭvańni špica Umki. Za joj vidać arliny profil himnastki Ksienii Sankovič. A jašče dalej — pres-sakratarka Natalla Ejsmant.
Chto ž źleva? Pobač z Łukašenkam madel Nastaśsia Kazyryckaja. I tolki dalej za joj Viktar Šejman, maci Koli Iryna Abielskaja, a taksama jaje pieršy syn Dźmitryj Abielski sa svajoj dziaŭčynaj, płastyčnym chirurham Dzinaj El-Dziefi Fiejsał.
21-hadovaja Nastaśsia Kazyryckaja ŭ apošnija hady časta apynajecca pobač z 70-hadovym palitykam, jaki pa ŭzroście lepš by pasavaŭ joj u dziaduli.
Upieršyniu jana źjaviłasia z Łukašenkam na navahodnim bali 2022-2023, u 2023 hodzie supravadžała jaho na bał vypusknikoŭ i na Dzień Niezaležnaści.
Naścia — udzielnica konkursu «Mis Biełaruś — 2021». Tady jana nie pieramahła, ale ŭrešcie raskruciłasia bolš za astatnich kankurentak.
Kazyryckaja vyrasła ŭ siamji eks-milicyjanta, jaki zvolniŭsia z orhanaŭ prykładna ŭ čas naradžeńnia dački. Skončyła kaledž technałohii i dyzajnu lohkaj pramysłovaści, pastupiła ŭ BDEU na śpiecyjalnaści «buchhałtarski ŭlik, analiz i aŭdyt». Pa stanie na 2021 hod dziaŭčyna — a joj było 18 hadoŭ — ličyłasia buchhałtaram upraŭleńnia adukacyi administracyi Frunzienskaha rajona Minska.
U 2024 hodzie aficyjnaja pasada Kazyryckaj hučała tak: asistent pa zabieśpiačeńni dziełavoha pratakoła ŭpraŭleńnia dziaržaŭnych, aficyjnych i kulturnych mierapryjemstvaŭ Nacyjanalnaj škoły pryhažości.
Na momant konkursu ŭ Naści byli takija paramietry: rost 177 sm, vaha 52 kh, 83-64-88.
23‑hadovy repier z Astraŭca zahinuŭ za Rasiju na vajnie. Pavajavaŭ jon, vidać, kala miesiaca17
23‑hadovy repier z Astraŭca zahinuŭ za Rasiju na vajnie. Pavajavaŭ jon, vidać, kala miesiaca
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ88
Kamientary
Pahladzicie ŭvažliva na vyjavu. Tam adrazu dźvie dzieŭki, potym - dva "eM" - Kola i vusaty, i tolki potym MŽM Vaš pačynajecca.