Pra niesuciašalnyja vyniki ratavalnych rabot u zvarocie da nacyi paviedamiŭ prezident ZŠA Donald Tramp. Jon vykazaŭ spačuvańni siemjam zahinułych.
«Ciapier raboty pierajšli ŭ stadyju adnaŭleńnia. Na žal, niama tych, chto b vyžyŭ. Heta była ciomnaja i pakutlivaja noč u stalicy našaj krainy. My nie viedajem, što pryviało da hetaj katastrofy, ale majem peŭnyja vielmi dakładnyja dumki i idei», — skazaŭ Tramp.
Uviečary 29 studzienia ŭ vyniku sutyknieńnia z vajskovym viertalotam pad Vašynhtonam paciarpieŭ krušeńnie rehijanalny pasažyrski samalot avijakampanii American Airlines. Na jaho borcie znachodzilisia 64 čałavieki, u tym liku 14 fihurystaŭ, u tym liku źviazanych sa zbornaj ZŠA. Pry krušeńni viertalota zahinuli troje členaŭ ekipaža.
Apublikavanyja i imiony fihurystaŭ, jakija dakładna zahinuli padčas katastrofy: Śpienser Łejn, Džyna Chan, Edzi Čžou, Franka Aparysia, siostry Evierli i Lidzija Livinhston, Šon Kiej i Andžeła Janh.
Taksama zahinuli troje trenieraŭ rasijskaha pachodžańnia — Vadzim Navumaŭ, Jaŭhienija Šyškova, Ina Valanskaja. Vadzim Navumaŭ i Jaŭhienija Šyškova ŭ 1990-ja byli viadomymi spartsmienami, u 1994 hodzie jany stali čempijonami śvietu ŭ spabornictvach spartyŭnych par, zajmali vysokija miescy i na Alimpijskich hulniach 1992 i 1994 hadoŭ.
U Vašynhtonie spynili apieracyju na miescy krušeńnia pasažyrskaha samalota
Na borcie samalota, što raźbiŭsia ŭ ZŠA, było bolš za 15 fihurystaŭ, u tym liku čempijony śvietu Šyškova i Navumaŭ z Rasii
Vyžyłych na borcie samalota, što raźbiŭsia ŭ Vašynhtonie, niama. U samalocie było niekalki fihurystaŭ
Cieły 18 zahinułych dastali z raki paśla sutyknieńnia samalota American Airlines z vajskovym viertalotam u Vašynhtonie
U Vašynhtonie ŭpaŭ pasažyrski samalot, sutyknuŭšysia ź viertalotam. Na borcie byli 64 čałavieki
Ciapier čytajuć
Mižnarodny kryminalny sud pačaŭ rasśledavańnie złačynstvaŭ, ździejśnienych režymam Łukašenki20
Kamientary