U Maskvie padarvali prarasijskaha aŭtaryteta z Danbasa, jaki arhanizoŭvaŭ citušak
Armen Sarkisian viadomy jak arhanizatar band «citušak», jakija palavali na ŭdzielnikaŭ Jeŭramajdanu. Taksama jon suzasnavalnik «Armianskaha bataljona» («Arbat»), jaki z hetaha leta vajuje ŭ Kurskaj vobłaści. Jon pamior u reanimacyi, nie prychodziačy ŭ prytomnaść.
Vybuch adbyŭsia ŭ žyłym kompleksie «Punsovyja vietrazi» na paŭnočnym zachadzie Maskvy, paviedamlajuć TASS i RIA «Naviny» sa spasyłkaj na krynicy.
U chole vybuchnuŭ nieŭstanoŭleny pradmiet, paciarpieli minimum 5 čałaviek, adzin zahinuŭ.
Krynica VČK-OHPU paviedamiła, što kanśjerž rastłumačyŭ na dopycie, što vybuch adbyŭsia, kali ŭ choł zajšoŭ žychar doma z achoŭnikami. Jon bačyŭ zahinułaha raniej, u tym liku pa televizary.
Pavodle ŚMI, metaj zamachu byŭ prezident fiederacyi boksa «DNR» i stvaralnik bataljona «Arbat» Armen Sarkisian.
«Interfaks» sa spasyłkaj na krynicy ŭ pravaachoŭnych orhanaŭ paviedamiŭ pra śmierć Sarkisiana. «Kommiersant» ža sa spasyłkaj na krynicu pisaŭ, što jaho špitalizavali ŭ ciažkim stanie, a zahinuŭ adzin z achoŭnikaŭ.
Praź niekatory čas ŚMI paviedamili, što Sarkisian «pamior u reanimacyi, nie prychodziačy ŭ prytomnaść».
Armen «Horłaŭski» Sarkisian viadomy jak arhanizatar band «citušak», jakija palavali na ŭdzielnikaŭ Jeŭramajdanu. Jon fihurant spravy pra zabojstva ŭkrainskaha žurnalista Viačasłava Vieramieja.
Rasijskija ŚMI paviedamlajuć, što razam ź im byŭ paranieny 49-hadovy Aleh Kaśpirovič, były namieśnik kamandzira krymskaha śpiecnaza, jaki byŭ jaho achoŭnikam.
«Armianski bataljon» («Arbat») — padraździaleńnie, jakoje pačało farmavacca ŭ vieraśni 2022 hoda i kančatkova skłałasia ŭ 2023-m. Da 2024 hoda «Armianski bataljon» nijak nie vyjaŭlaŭsia i dziejničaŭ tolki jak padmacavańnie. Z hetaha leta farmiravańnie adbivaje nastup USU ŭ Kurskaj vobłaści, piša «Važnyje istorii».
Ciapier čytajuć
Stała viadoma, što za 200 tysiač jeŭra prapanoŭvali Siarhieju Cichanoŭskamu «biełaruskija biznesmieny»12
Kamientary
A čto tam s lehitimnosťju Putina? On izbran diemokratičieskim Putiem? Vdruh zavtra rievolucija v rośsii i lehitimnyj priedstavitiel Rośsii skažiet čto podpisannyje dokumienty putinym nie lehitimny?
Ukrainie nado triebovať pieried pieriehovorami s rf diemokratičieskich vyborov v RF kak priedvaritielnoje usłovija pieriehovorov o mirie.