У Маскве падарвалі прарасійскага аўтарытэта з Данбаса, які арганізоўваў цітушак
Армэн Саркісян вядомы як арганізатар банд «цітушак», якія палявалі на ўдзельнікаў Еўрамайдану. Таксама ён сузаснавальнік «Армянскага батальёна» («Арбат»), які з гэтага лета ваюе ў Курскай вобласці. Ён памёр у рэанімацыі, не прыходзячы ў прытомнасць.
Выбух адбыўся ў жылым комплексе «Пунсовыя ветразі» на паўночным захадзе Масквы, паведамляюць ТАСС і РІА «Навіны» са спасылкай на крыніцы.
У холе выбухнуў неўстаноўлены прадмет, пацярпелі мінімум 5 чалавек, адзін загінуў.
Крыніца ВЧК-ОГПУ паведаміла, што кансьерж растлумачыў на допыце, што выбух адбыўся, калі ў хол зайшоў жыхар дома з ахоўнікамі. Ён бачыў загінулага раней, у тым ліку па тэлевізары.
Паводле СМІ, мэтай замаху быў прэзідэнт федэрацыі бокса «ДНР» і стваральнік батальёна «Арбат» Армэн Саркісян.
«Інтэрфакс» са спасылкай на крыніцы ў праваахоўных органаў паведаміў пра смерць Саркісяна. «Коммерсант» жа са спасылкай на крыніцу пісаў, што яго шпіталізавалі ў цяжкім стане, а загінуў адзін з ахоўнікаў.
Праз некаторы час СМІ паведамілі, што Саркісян «памёр у рэанімацыі, не прыходзячы ў прытомнасць».
Армэн «Горлаўскі» Саркісян вядомы як арганізатар банд «цітушак», якія палявалі на ўдзельнікаў Еўрамайдану. Ён фігурант справы пра забойства ўкраінскага журналіста Вячаслава Верамея.
Расійскія СМІ паведамляюць, што разам з ім быў паранены 49-гадовы Алег Каспіровіч, былы намеснік камандзіра крымскага спецназа, які быў яго ахоўнікам.
«Армянскі батальён» («Арбат») — падраздзяленне, якое пачало фармавацца ў верасні 2022 года і канчаткова склалася ў 2023-м. Да 2024 года «Армянскі батальён» ніяк не выяўляўся і дзейнічаў толькі як падмацаванне. З гэтага лета фарміраванне адбівае наступ УСУ ў Курскай вобласці, піша «Важные истории».
Цяпер чытаюць
Кіберпартызаны і хакеры Silent Crow узламалі «Аэрафлот». Яны атрымалі даныя пра ўсе пералёты2
Кіберпартызаны і хакеры Silent Crow узламалі «Аэрафлот». Яны атрымалі даныя пра ўсе пералёты
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі39
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце4747
Каментары
А что там с легитимностью Путина? Он избран демократическим Путем? Вдруг завтра революция в россии и легитимный представитель России скажет что подписанные документы путиным не легитимны?
Украине надо требовать перед переговорами с рф демократических выборов в РФ как предварительное условия переговоров о мире.