Ispanskaja palicyja zatrymała šaściarych udzielnikaŭ bandy, jakaja pradavała nieisnujučych ščaniukoŭ
Banda padmanuła svaich achviar na 150 tysiač jeŭra, a dla afiory vykarystoŭvała sajty z abjavami ab prodažy chatnich žyvioł, piša The Guardian.
Udzielniki bandy prapanoŭvali ŭ internecie na prodaž ščaniukoŭ, katoŭ i navat papuhajaŭ. Kali achviara telefanavała pa numary, joj dasyłali fatahrafii budučaha hadavanca, kab zaachvocić zapłacić jak maha chutčej.
Jak tolki hrošy byli adpraŭleny, u pakupnika prasili jašče — dla apłaty vieterynaraŭ, padatkaŭ, pryščepak ci transpartnych vydatkaŭ. Ale ludzi tak i nie atrymlivali svaich žyvioł.
Palicyja vyśvietliła, što banda dziejničała pa ŭsioj Ispanii. Usiaho jany padmanuli ludziej na 150 tysiač jeŭra. Zatrymanych abvinavačvajuć u machlarstvie, prynaležnaści da złačynnaj arhanizacyi i ŭciokach z turmy.
«Paśla pieratrusu ŭ domie adnaho z hałoŭnych padazravanych palicyjanty taksama kanfiskavali piać mabilnych telefonaŭ, a taksama sim-karty, jakija vykarystoŭvalisia dla ździajśnieńnia ašukanskich dziejańniaŭ», — havorycca ŭ zajavie palicyi.
Čatyrnaccać bankaŭskich rachunkaŭ, jakija vykarystoŭvali padazravanyja, zabłakavali.
Ciapier čytajuć
Dźvie ŭdačy, dziakujučy jakim adbyłasia karjera novaha pres-sakratara MZS Rusłana Varankova13
Dźvie ŭdačy, dziakujučy jakim adbyłasia karjera novaha pres-sakratara MZS Rusłana Varankova
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier77
Kamientary