Śviet

U Samary zabili byłoha mera horada i jahonuju žonku. Ich unučku padazrajuć u zabojstvie i rasčlanieńni

Zabojstva eks-mera Samary 77-hadovaha Viktara Tarchava i jaho žonki Natalli adbyłosia kala miesiaca tamu, ale infarmacyja pra jaho pratačyłasia ŭ presu tolki ciapier. Pa padazreńni ŭ zabojstvie aryštavanaja ich unučka Kaciaryna Bielskaja.

Viktar Tarchaŭ

Jak pišuć rasijskija ŚMI, Viktar Tarchaŭ źnik razam z žonkaj u studzieni. Niezadoŭha da śmierci muž i žonka Tarchavy prylacieli ŭ Rasiju ź Finlandyi. Siabry i znajomyja ich doŭha nie bačyli, ale rehularna atrymlivali paviedamleńni ź ich telefonaŭ. Ale ŭrešcie adzin sa znajomych ustryvožyŭsia i padaŭ u palicyju zajavu ab źniknieńni.

Śledstva ličyć hałoŭnaj padazravanaj unučku Tarchavych Kaciarynu Bielskuju i ŭpeŭniena, što mienavita jana adpraŭlała esemeski z telefonaŭ dziaduli i babuli, kab stvarać iluziju, što jany žyvyja. 3 lutaha Bielskuju zatrymali, a 5 lutaha pryniata rašeńnie ab jaje aryšcie. Sama žančyna davać pakazańni admoviłasia.

Śledčym orhanam, adnak, viadoma, što paśla zabojstva Bielskaja pradavała majomaść zabitych, uklučajučy kalekcyju abrazoŭ i aŭtamabili, jakija naležać byłomu meru.

Paralelna z hetym Kaciaryna jeździła ŭ ofis kampanii «Navitrek» (zajmajecca ačystkaj hieałahičnaha asiarodździa i padziemnych vod ad zabrudžvańnia naftapraduktami), dzie pracavaŭ dziadula. Jana pryvoziła tudy dakumienty nibyta ź jaho podpisam.

Jakim mienavita sposabam byli ŭčynienyja zabojstvy, jość roznyja viersii. Havorać i pra rasstreł, i pra atručvańnie, i pra źbićcio da śmierci. Adnak ža jak by tam ni było, ale vyhladaje, što były vysoki čynoŭnik z žonkaj byli nie tolki zabityja, ale i rasčlenienyja.

Na kamierach nazirańnia palicejskija zaŭvažyli, što eks-mer zachodziŭ dadomu z žonkaj u pačatku studzienia. Bolš jany adtul nie vychodzili. Adnak z 4 pa 8 studzienia da ich prychodziła ŭnučka.

U adzin ź dzion jana vychodziła z kvatery z padazronymi čornymi pakietami. Paśla pravieryli jaje pakupki — vyjavili, što jana nabyvała płastmasavyja bočki. Havorać, što nibyta cieły byli miesiac zakansiervavanyja mienavita ŭ hetych bočkach. 

Viktar Tarchaŭ uznačalvaŭ Samaru z 2006 pa 2010 hady. Paśla taho, jak pajšoŭ sa słužby, eks-čynoŭnik zaniaŭsia biznesam. Uletku 2022 hoda stała viadoma, što jon vyjechaŭ z Rasii ŭ Narviehiju nibyta ŭ suviazi ź nieabchodnaściu prajści lačeńnie.

Raniej u ŚMI pisali, što praz zapazyčanaść u 7 młn rubloŭ dačka i ŭnučka Tarchava zastalisia biez kvatery. Mahčymy matyŭ zabojstva — pomsta z-za kryŭdy.

U śniežni 2022 hoda Leninski rajonny sud Samary prysudziŭ dačku Tarchava Ludmiłu da siami hadoŭ kałonii ahulnaha režymu pa spravie ab vymahalnictvie 200 miljonaŭ rubloŭ u abłasnoha deputata Alaksandra Milejeva.

Kamientary

 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Čamadanava raskazała, što kateharyčna nielha abmiarkoŭvać na kuchniach18

Čamadanava raskazała, što kateharyčna nielha abmiarkoŭvać na kuchniach

Usie naviny →
Usie naviny

DTZ u Tałačynskim rajonie: paciarpieli 4 čałavieki, adzin — zahinuŭ

U MTS raskazali, dzie ŭ Biełarusi žyvuć žaŭranki, a dzie — sovy2

Z-za navalnicy na poŭnačy Minska na 25 siekund adklučałasia elektryčnaść

Siamja biełarusaŭ akazałasia ŭ dvuch roznych asiarodkach emihracyi. Muž nie moža trapić da žonki ŭ Hruziju, a jana — atrymać vizu da jaho ŭ Polšču10

Biełarusy zdymajuć u Polščy sieryjał pra śvinhieraŭ19

Alimpijskaja čempijonka pa bijatłonie prapała ŭ harach Pakistana1

Mahutny ziemlatrus kala bierahoŭ Kamčatki pryvioŭ da cunami, u Japonii i na Havajach abvieščana evakuacyja

Jakija mašyny biełarusy dahetul aktyŭna viazuć z ZŠA7

Biełarus raspracavaŭ pierakładčyk dla biznesu, jaki prynosić jamu miljon dalaraŭ na hod15

bolš čytanych navin
bolš łajkanych navin

Čamadanava raskazała, što kateharyčna nielha abmiarkoŭvać na kuchniach18

Čamadanava raskazała, što kateharyčna nielha abmiarkoŭvać na kuchniach

Hałoŭnaje
Usie naviny →

Zaŭvaha:

 

 

 

 

Zakryć Paviedamić