U Wildberries padviali vyniki minułaha hoda dla biełaruskaha biznesu.
Jak raspaviali Tochka.by u pres-słužbie markietpłejsa, kampanija praciahvaje ŭmacoŭvać supracoŭnictva ź miascovymi pastaŭščykami. Tak, usio bolš biełaruskich vytvorcaŭ vychodziać u anłajn-siehmient i realizujuć svaju pradukcyju praz płatformu.
U 2024 hodzie abjom prodažaŭ pavialičyŭsia na 74,9% u paraŭnańni z 2023-m, a kolkaść zarehistravanych pastaŭščykoŭ ź Biełarusi vyrasła na 17,2%.
Pradukcyja miascovych vytvorcaŭ stanovicca ŭsio bolš papularnaj jak unutry krainy, tak i za jaje miežami.
Za minuły hod prodažy biełaruskich tavaraŭ na Wildberries pavialičylisia na 44% u hrašovym ekvivalencie. Asabliva vysoki rost byŭ zafiksavany ŭ Kyrhyzstanie (+124%), Kazachstanie (+62%) i Rasii (+41%).
Na płatformie aktyŭna raźvivajucca biełaruskija brendy. Siarod lidaraŭ prodažaŭ:
- mebla i tavary dla doma — AMI,
- kaśmietyka — LUXVISAGE, Tashe, AVALON i RELOUIS,
- adzieńnie — Mark Formelle i NEVERLATE,
- škarpetačnyja vyraby — CONTE Elegant,
- cacki — «Poleśsie»,
- pradukcyja dla interjeru — «Biełaruskija špalery».
U 2024 hodzie popyt na anłajn-pakupki siarod biełarusaŭ vyras na 81% u paraŭnańni z papiarednim hodam.
Najbolš aktyŭnymi pakupnikami stali žychary Minskaj vobłaści, dzie abjomy prodažaŭ pavialičylisia amal u dva razy. Taksama značny rost pakazali hrodziency (+90%), mahiloŭcy (+85,8%) i bieraściejcy (+85,8%).
Što čaściej za ŭsio kuplali biełarusy?
Siarod samych zapatrabavanych katehoryj:
- adzieńnie, abutak, kaśmietyka i parfuma;
- aŭtamabilnyja tavary, bializna, pradukty i tekstyl dla doma.
Akramia taho, raście cikavaść biełarusaŭ da motatavaraŭ, sadovaj techniki i pradukcyi dla zdaroŭja.
-
«Ja taja samaja ŭ futry». Maładaja švačka pracavała ŭ futry, pakul dziaržTB raskazvała, što na fabrycy ŭ Žłobinie nie choładna
-
«Polšča ŭžo nie taja». Biełarusy, jakija doŭha nie jeździli na zakupy, ździvilisia cenam i novym praviłam
-
Minskija ŭłady raskazali pra vyniki ŭčarašniaha patopu na zavułku Čarviakova
Ciapier čytajuć
«Ja taja samaja ŭ futry». Maładaja švačka pracavała ŭ futry, pakul dziaržTB raskazvała, što na fabrycy ŭ Žłobinie nie choładna10
Kamientary