Šarenda-Panasiuk adkazała Paźniaku pra jaho ŭdzieł u jaje vyzvaleńni i Harbunovaj pra «biessensoŭnaść baraćby»
«Nie dumaju, što ŭ atačeńni Łukašenki prysłuchoŭvajucca da Zianona Stanisłavaviča».
«Da siońniašniaha momantu, da pryjezdu ŭ Vilniu, ja nie čuła ni razu (a ja ŭ palitycy z kanca 1990-ch) proźvišča Harbunova. Nie viedaju, čym achviaravaŭ hety čałaviek dziela Biełarusi. Zajavy takoha čałavieka, jaki nie prajšoŭ praz usio heta, ja nie ŭsprymaju. Nie viedaju, chto heta i čym achviaravała», — adkazała Palina.
Rezkija zaŭvahi pra «biessensoŭnaść baraćby» byłaja palitźniavolenaja i «ministarka pa palitviaźniach» Volha Harbunova zrabiła ŭ 2024 hodzie.
«Kaleśnikava zaŭsiody vystupała za mirnyja pieramovy, za dyjałoh z uładami. Zhadajcie jaje źjaŭleńnie na vulicach Minska, kali jana była na svabodzie.
A Palina Šarenda-Panasiuk? Dziela čaho hetaja baraćba? Jana biessensoŭnaja. Prosta źniščeńnie čałavieka i siamji», — kazała Volha Harbunova ŭ intervju Radyjo Svaboda.
Volha Harbunova była aryštavanaja ŭ listapadzie 2021 hoda za ŭdzieł u pratestach. Jana praviała ŭ SIZA paŭhoda, atrymała chatniuju chimiju, paśla čaho źjechała ź Biełarusi.
Aproč taho, Šarenda-Panasiuk prakamientavała słovy Zianona Paźniaka, jaki raniej zajaviŭ pra toje, što palitźniavolenuju vyzvalili paśla jahonaha zvarotu:
«Ja nie viedaju, jakija namahańni da majho vyzvaleńnia prykładaŭ Zianon Stanisłavavič. Kali i prykładaŭ, nie dumaju, što ŭ atačeńni Łukašenki prysłuchoŭvajucca. Ja liču, što majo vyzvaleńnie — heta vynik cisku na režym».
Ciapier čytajuć
175 tysiač biełarusaŭ emihravali ci vyjechali na pracu ŭ ES u 2024-m. Najbolš u Polšču, a Hiermaniju zdahnała Ispanija1
175 tysiač biełarusaŭ emihravali ci vyjechali na pracu ŭ ES u 2024-m. Najbolš u Polšču, a Hiermaniju zdahnała Ispanija
«Z tatam vyrašyli: naśpieŭ čas vučycca pa-biełarusku». Žančyna raskazała, jak u 80-ja hady jeździła za 20 kiłamietraŭ ad Minska dziela adukacyi na rodnaj movie11
«Z tatam vyrašyli: naśpieŭ čas vučycca pa-biełarusku». Žančyna raskazała, jak u 80-ja hady jeździła za 20 kiłamietraŭ ad Minska dziela adukacyi na rodnaj movie1
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7979
Kamientary