Situacyja z rucham transpartu ŭ centry Minska palepšaje ciaham miesiaca — Hardarbud
U Minsku praciahvajecca ramont mosta pamiž praśpiektam Niezaležnaści i vulicaj Maskoŭskaj. Ruch pa abjekcie byŭ zakryty 8 lutaha, što vyklikała peŭnyja ciažkaści ŭ haradskim trafiku. Ranicaj zatrymka ŭ ruchu hramadskaha transpartu ŭ tym rajonie składaje 20 chvilin.
Adnak, pa słovach dyrektara HP «Hardarbud» Siarhieja Panieva, situacyja znachodzicca pad kantrolem i na praciahu miesiaca čakajecca jaje palapšeńnie, paviedamlaje BiełTA.
«Zatory, biezumoŭna, jość, ale jany nie krytyčnyja dla funkcyjanavańnia haradskich słužbaŭ. U hadziny pik — ranicaj i ŭviečary, viadoma, ruch uskładniajecca, ale DAI praciahvaje pracavać nad rehulavańniem transpartnych patokaŭ. Na praciahu maksimum miesiaca my čakajem stabilizacyi situacyi, uvojdziem u narmalny režym pracy», — adznačyŭ Panieŭ.
Pavodle jaho słoŭ, haradžanie adaptujucca da źmienaŭ, vybirajučy alternatyŭnyja maršruty i vykarystoŭvajučy roznyja sistemy infarmavańnia pra zatory, uklučajučy Mintrans, Jandeks.Navihatar i telehram-kanały DAI. «My pastajanna manitorym usiu sistemu pasažyrapatoku, u vypadku nieabchodnaści buduć prymianiacca karektujučyja miery», — rastłumačyŭ Siarhiej Panieŭ.
Łukašenka znajšoŭ niezvyčajnyja słovy dla spačuvańnia Chamieniei: «vierałomnaja ataka»27
Kamientary