Prezident Radyjo Svaboda pra vyzvaleńnie Kuźniečyka: Heta zasłuha naležyć administracyi Trampa
Styvien Kapus prakamientavaŭ vyzvaleńnie ŭčora žurnalista radyjo, jaki prabyŭ za kratami try hady.
«Usia zasłuha naležyć administracyi Trampa. Prezident vielmi jasna daŭ zrazumieć, što maje namier viarnuć dadomu ŭsich ludziej, usich amierykancaŭ, jakija ŭtrymlivajucca jak palitviaźni pa ŭsim śviecie, i ich tysiačy. Ale ŭ hetym vypadku my addajom naležnaje prezidentu, bo Andrej — hramadzianin Biełarusi. I navošta heta rabić ZŠA? Praściej kažučy, heta praca, jakuju robić, u hetym vypadku, Radyjo Svaboda. Praca acenienaja administracyjaj Trampa. Šmat u čym našy ludzi, usie, chto pracuje na Radyjo Svabodnaja Jeŭropa/Radyjo Svaboda, znachodziacca na pieradavoj demakratyi. I tamu ja liču, što ŭčora viečaram administracyja pajšła na hety nadzvyčajny krok. I my sapraŭdy vielmi ŭdziačnyja za ichnyja dziejańni», — skazaŭ Styvien Kapus.
— Kali kazać pra hetuju vialikuju pracu, to jana nie skončanaja, bo druhi žurnalist, Ihar Łosik, zastajecca ŭ turmie ŭ Biełarusi. Ci praciahvajucca namahańni dla jaho vyzvaleńnia i jakija prablemy sustrakajucca na hetym šlachu?
— Viartańnie Ihara Łosika dadomu pa-za časam, i my ź nieciarplivaściu čakajem hetaha dnia. Ja mahu vam skazać, što my atrymali zapeŭnivańni ad najvyšejšych słužbovych asob ZŠA, što heta taksama ich pryjarytet i jany buduć praciahvać pracavać, kab zabiaśpiečyć jahony vychad na volu.
Ja chaču skazać sioje-toje važnaje pra namahańni viarnuć dadomu i Ihara, i Andreja. Heta nia byŭ abmien. Heta nia byŭ handal. Vyzvaleńnie troch čałaviek było zarhanizavanaje administracyjaj Trampa. Heta toje, što vielmi važna razumieć usim. Vyjšli na volu amierykanski hramadzianin i biełaruski žurnalist, jaki pracuje na finansavanuju ZŠA arhanizacyju, u našym vypadku Andrej Kuźniečyk.
Ciapier čytajuć
Piać pryčyn — u tym liku adna fantastyčnaja, — pa jakich biełarusam adklučyli śviatło ŭ haradach1
Piać pryčyn — u tym liku adna fantastyčnaja, — pa jakich biełarusam adklučyli śviatło ŭ haradach
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary
Ich prosta paminiali, taho što Miensk uže točna ničevo ni ryšaić