Vajna5656

Ukraina pavinna pasłać Trampa za rasijskim vajskovym karablom — krynica The Times u Minabarony Brytanii

Apošnija kroki Złučanych Štataŭ vyklikali niedavier, a časam i hnieŭ u Jeŭropie.

Uładzimir Zialenski i Donald Tramp padčas sustrečy ŭ vieraśni 2024 hoda ŭ ZŠA. Fota: Alex Kent/Getty Images

Jak piša The Times, pakul čynoŭniki NATA i ES sprabavali asensavać źmieny ŭ pryjarytetach amierykanskaj palityki paśla zajavy novaha kiraŭnika Pientahona Pita Chiehseta pra toje, što «surovyja stratehičnyja realii nie dazvalajuć Złučanym Štatam Amieryki skancentravacca ŭ pieršuju čarhu na biaśpiecy Jeŭropy», acency płanaŭ viartańnia Ukrainy da miežaŭ 2014 hoda jak «nierealistyčnych», a pierśpiektyŭ jaje dałučeńnia da NATA jak małaimaviernych, stała viadoma, što Tramp pravioŭ pieramovy z Pucinym.

Razmova z Rasijaj da kansultacyj z Ukrainaj stała istotnym adychodam ad palityki jahonaha papiarednika, Džo Bajdena, jaki nastojvaŭ na pryncypie «ničoha pra Ukrainu biez Ukrainy».

Apošniaja navina vyklikała sapraŭdny šok u čynoŭnikaŭ NATA, jakija terminova sabralisia ŭ kułuarach dla abmierkavańnia mahčymych nastupstvaŭ i vypracoŭki adpaviednaj reakcyi.

Pa słovach krynicy va USU, Ukraina była ŭ šoku. «Situacyja niadobraja. Pieramovy pra Ukrainu biez Ukrainy i pra jeŭrapiejskuju biaśpieku bieź Jeŭropy», — cytuje jaje słovy vydańnie.

Zaniepakojenaść vykazvali i čynoŭniki ŭ brytanskim Ministerstvie zamiežnych spraŭ. «Zdymicie harantyi biaśpieki i pierśpiektyvu siabroŭstva ŭ NATA — i Pucin, zdajecca, hatovy da pieramoŭ», — prakamientavała The Times adna z krynic va ŭradzie.

U Ministerstvie abarony Vialikabrytanii, što znachodzicca na supraćlehłym baku vulicy, panavała razhublenaść.

«Niekatoryja z nas kazali: ukraincy try hady vajavali, hublali svaich synoŭ i dačok nie dla taho, kab ich adchilili ad abmierkavańnia ich budučyni. Na ich miescy ja b adkazaŭ Trampu hetak ža, jak abaroncy vostrava Źmiainy», — zajaviŭ surazmoŭca vydańnia, majučy na ​​ŭvazie viadomy adkaz ukrainskich pamiežnikaŭ rasijskamu vajskovamu karablu ŭ pieršyja dni vajny.

Ministr abarony Vialikabrytanii Džon Chili i brytanskaja delehacyja ŭ Bruseli pracavali da poźniaj nočy ŭ rezidencyi Vialikabrytanii, kaardynujučy reakcyju na situacyju.

Strymana vykazvajučysia ŭ čaćvier ranicaj, Chili zajaviŭ presie: «Nijakich pieramoŭ pra Ukrainu biez Ukrainy być nie moža. My chočam tryvałaha miru i niedapuščeńnia novaha kanfliktu i ahresii. I nie varta zabyvać, što Rasija zastajecca pahrozaj daloka za miežami Ukrainy».

Ministr abarony ZŠA Pit Chehsiet u svaju čarhu adznačyŭ, što pieramovy Trampa z Pucinym «biezumoŭna, heta nie zdrada».

Vydańnie adznačaje, što Ukraina choča, kab Vialikabrytanija i Jeŭropa zaniali bolš ćviorduju pazicyju ŭ adnosinach da ZŠA, bo niekatoryja jeŭrapiejskija dypłamaty pabojvajucca, što kali Łondan nie vykažacca, to i nichto nie vykažacca. Jeŭrapiejcy bajacca, što Tramp i Pucin mohuć damovicca nad hałovami jeŭrapiejskich uradaŭ.

Mnohija ŭ Jeŭropie, asabliva va ŭschodniaj jaje častcy, pravodziać paraleli ź Miunchienskim pahadnieńniem 1938 hoda. Łatvijski jeŭradeputat Rychards Kołs u svajoj publikacyi ŭ sacsietcy X napisaŭ: «Miunchien-2… Jeŭropa, rychtujsia».

Niekatoryja vysokapastaŭlenyja jeŭrapiejskija dypłamaty abvinavacili administracyju Trampa ŭ tym, što jana «kinuła Ukrainu pad aŭtobus» (achviaravała Ukrainaj u svaich intaresach, pakinuła jaje biez padtrymki dziela ŭłasnaj vyhady. — NN).

Adzin ź ich adznačyŭ: «Klučavyja sastupki byli zroblenyja zahadzia», inšy nazvaŭ heta katastrofaj: «Čamu asłablać našu pazicyju jašče da pačatku pieramoŭ? Ukraina prapanavała redkaziamielnyja minierały ŭzamien. A što paabiacała Rasija? Ničoha! Jany zachoŭvajuć svaje impierskija ambicyi».

Vydańnie źviartaje ŭvahu, što administracyja ZŠA nie papiaredziła svaich partnioraŭ u Jeŭropie pra pieramovy z Pucinym. Tak, kiraŭnica zamiežnapalityčnaha viedamstva ES Kaja Kałas praviała pieramovy ź vice-prezidentam ZŠA Džejmsam Vensam na samicie pa štučnym intelekcie ŭ Paryžy, u toj čas jak Tramp u hety momant razmaŭlaŭ z Pucinym.

Paśla zakančeńnia sustrečy Kałas apublikavała fota sa staršynioj Jeŭrakamisii Ursułaj fon der Lajen i Vensam u raskošnym paryžskim pałacy XVII stahodździa, dadaŭšy podpis: «Dobraja sustreča».

Zhadaŭšy supracoŭnictva Pucina z Paŭnočnaj Karejaj, Kitajem i Iranam, Kałas padkreśliła: «Pakolki našy praciŭniki kaardynujuć svaje dziejańni, my pavinny rabić toje samaje».

Praz hadzinu Tramp paviedamiŭ u sacsietkach pra svaje pieramovy z Pucinym, ale Vens ničoha nie kazaŭ pra ich ni Kałas, ni fon der Lajen.

Adzin z vysokapastaŭlenych čynoŭnikaŭ brytanskaha ŭrada adznačyŭ vydańniu: «Ukraina pavinna być za stałom pieramoŭ i zastavacca ŭ centry luboj damoŭlenaści. Ujavicie sabie, što Hiermanija i ZŠA zaklučajuć pahadnieńnie ab pieradačy Uelsa padčas Druhoj suśvietnaj vajny biez udziełu Brytanii».

Kamientary56

  • Answer
    13.02.2025
    A vsieho to i nado, čto otvietiť v Miunchienie:
    - Mistier Priezidient! My Vas vysłušali, a tiepieŕ iditie Vy po kursu russkoho vojennoho korabla!
  • Aleś
    13.02.2025
    Trampa nado postaviť na miesto. Čto budiet diełať sša jeśli jeje otklučat ot śvift? I zaprietiat tiesłu v jevropie? Jevrosojuz trietiaja strana po nasieleniju pośle Indii i kitaja,tolko u jevropiejciev v razy bolšie dienieh čiem u indusov i kitajciev.
  • A
    13.02.2025
    Dajučy ananimnyja kamientary dyk usie hieroi
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Fatohraf-ahient Miščuk raskazaŭ svaju viersiju taho, što adbyłosia12

Fatohraf-ahient Miščuk raskazaŭ svaju viersiju taho, što adbyłosia

Usie naviny →
Usie naviny

Na Bajkale padletak zabiŭ nažom čatyroch tavaryšaŭ na dni naradžeńnia i padpaliŭ dom

Śpiecpradstaŭnik Trampa adkazaŭ Miadźviedzievu: Zajava nie adpaviadaje statusu suśvietnaj dziaržavy5

Hurt «Drazdy» abjaviŭ pra raźvitalnyja hastroli

Piatruchinu zabaraniali vieści strym z kanferencyi ŭ Varšavie. Jon supraciŭlaŭsia, a paśla staŭ tajemna zapisvać aŭdyja14

Miadźviedzieŭ pryhraziŭ Trampu Treciaj suśvietnaj vajnoj13

Rašeńnie ab pieradačy Hiermanijaj Ukrainie rakiet Taurus jašče nie pryniata1

Mierc čakaje zaciažnuju vajnu praź niežadańnie Rasii vieści pieramovy2

Kachanak Mielnikavaj Alaksiej Łabiejeŭ słužyŭ u KDB z 2019 hoda10

Fatohraf-ahient z dvuma pašpartami zdymaje biełarusaŭ i ich mierapryjemstvy ŭ Varšavie32

bolš čytanych navin
bolš łajkanych navin

Fatohraf-ahient Miščuk raskazaŭ svaju viersiju taho, što adbyłosia12

Fatohraf-ahient Miščuk raskazaŭ svaju viersiju taho, što adbyłosia

Hałoŭnaje
Usie naviny →

Zaŭvaha:

 

 

 

 

Zakryć Paviedamić