Hramadstva1111

Rymašeŭski: Rytaryčnaje pytańnie, kolki jašče budzie vyjaŭlena ahientaŭ śpiecsłužbaŭ z supołki Dźmitruka. Ale heta nie BCHD

Paśla publikacyi artykuła na «Našaj Nivie» pra toje, što adzin ź lidaraŭ partyi BCHD Jaŭhien Dudkin akazaŭsia ahientam KDB, z redakcyjaj asobna pahutaryŭ Vital Rymašeŭski.

Vital Rymašeŭski. Fota: «Naša Niva»

«Jaŭhien Dudkin, jaki naležyć da supołki Hieorhija Dźmitruka, nijakaha dačynieńnia da BCHD nie maje (ni da arhkamiteta pa stvareńni partyi BCHD, jakaja praciahvaje pracavać unutry krainy, ni da frakcyi biełaruskich chryścijanskich demakrataŭ u Kaardynacyjnaj radzie, ni da inšych inicyjatyŭ chryścijanskich demakrataŭ).

Hieorhij Dźmitruk byŭ vyklučany z partyi BCHD u 2022 hodzie. Z taho času jon na roznych placoŭkach i ŚMI sprabuje vydać svaju hrupu ź siami čałaviek za pradstaŭnikoŭ biełaruskich chryścijanskich demakrataŭ. Jany zarehistravali svaju fundacyju, jakaja nazyvajecca BCHD. Dla čaho jany heta zrabili, mnie składana skazać. Ale ŭsio, što rabiła hetaja supołka ź siami čałaviek ciaham apošnich dvuch hadoŭ — heta adny pravakacyi i napadki ŭ dačynieńni da biełaruskich chryścijanskich demakrataŭ.

Pahladzicie publikacyi Jaŭhiena Dudkina, jon nie raz nakidvaŭsia piersanalna na mianie i na inšych siabraŭ BCHD. Hetak sama rabiŭ Dźmitruk. Kanstruktyŭnaj dziejnaści ja ad ich nie bačyŭ, jany tolki atakujuć nas. Tak praź dziejnaść ahientaŭ KDB śviadoma dyskredytujucca ŭsie chryścijanskija demakraty», — abaznačyŭ palityk.

Raniej my pisali pra razborki ŭ partyi, u vyniku jakich atrymalisia roznyja adhalinavańni. Vital Rymašeŭski padkreślivaje, što Jaŭhien Dudkin i Hieorhij Dźmitruk nijakaha dačynieńnia da sapraŭdnych biełaruskich chryścijanskich demakrataŭ nie majuć.

«Ja nahadaju, što ŭ śpisie [ «Salidarnaść»] na vybary ŭ KR, u jakim taksama išli Dudkin i Dźmitruk, jaki jany skłali razam s sacyjał-demakratami Jaŭhiena Vilskaha, tolki tam byli vyjaŭlenyja stukačy i danosčyki, supracoŭniki biełaruskich śpiecsłužbaŭ, jakija danosili na pratestoŭcaŭ. Jaŭhien Dudkin — jašče adzin čałaviek, jaki byŭ u hetym śpisie, ale nie byŭ vyjaŭleny «Kibierpartyzanami». Voś vyjaŭleny śpiecsłužbami ciapier. Zastajecca rytaryčnaje pytańnie, kolki jašče z supołki Dźmitruka dalej budzie vyjaŭlena ahientaŭ śpiecsłužbaŭ», — prakamientavaŭ «Našaj Nivie» śpikier frakcyi Biełaruskich chryścijanskich demakrataŭ u KR.

Kamientary11

  • Kub
    14.02.2025
    Kamientary čałavieka, jaki "sabraŭ" 100 tys. podpisaŭ...
  • Mierkavańnie
    14.02.2025
    Pieramieny pačnucca, kali zachodnija struktury spyniać finansavańnie i padtrymku tych, chto budzie vykryty jak ahient KDB.
  • Pavał
    14.02.2025
    Lepš chaj sam raskaža pra supracoŭnictva z KDB paśla 2010
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Tramp pra vyniki razmovy z Pucinym: Pieramovy pamiž Rasijaj i Ukrainaj pačnucca nieadkładna9

Tramp pra vyniki razmovy z Pucinym: Pieramovy pamiž Rasijaj i Ukrainaj pačnucca nieadkładna

Usie naviny →
Usie naviny

Pravy kandydat Simijon niečakana prajhraŭ na vybarach prezidenta Rumynii i ŭžo pryznaŭ parazu3

Fiermiery narakajuć: uradžaj budzie mały. Takich častych zamarazkaŭ nie nazirali apošnija 30 hadoŭ5

U Džo Bajdena znajšli rak u ahresiŭnaj formie3

U Polščy ŭ druhi tur vychodziać mer Varšavy Tšaskoŭski i historyk Naŭrocki 32

Ekzit-poły ŭ Rumynii: Centryst Dan pieramahaje na vybarach sa značnym adryvam15

Prahramistka ź Minska: Ja zarablaju 12 tysiač rubloŭ u miesiac. Pry hetym praktyčna ŭvieś chatni pobyt na mnie12

«Jak kupiła sukienku na śmierć 38 hadoŭ tamu, tak i lažyć». Babula ź vioski pakazała svoj kufar2

U Biełarusi chočuć pastrožyć praviły vydačy pazyk

Vy kažacie, što ŠI zamienić čałavieka? Vy nie razumiejecie natury čałavieka3

bolš čytanych navin
bolš łajkanych navin

Tramp pra vyniki razmovy z Pucinym: Pieramovy pamiž Rasijaj i Ukrainaj pačnucca nieadkładna9

Tramp pra vyniki razmovy z Pucinym: Pieramovy pamiž Rasijaj i Ukrainaj pačnucca nieadkładna

Hałoŭnaje
Usie naviny →

Zaŭvaha:

 

 

 

 

Zakryć Paviedamić