Hramadstva3838

Partyja, ad jakoj u KR išło najbolš ahientury, zajaviła pra niepryznańnie Cichanoŭskaj. A paśla asprečyła heta

Na vybarach za jaje prahałasavała 1,55% čałaviek.

Ahientka z šerahaŭ «Narodnaj Hramady» Volha Ciškievič padčas intervju dla ANT. Skrynšot ź videa

Partyja Narodnaja Hramada vydała zajavu ab niepryznańni Śviatłany Cichanoŭskaj jak nacyjanalnaha lidara Biełarusi. Maŭlaŭ, «za čas jaje znachodžańnia ŭ jakaści lidara demakratyčnych sił jana nie zmahła damahčysia značnych vynikaŭ, adpaviednych čakańniam hramadzian».

Prytym zajava, jak śćviardžajecca, była nie prosta apublikavanaja ŭ telehram-kanale arhanizacyi, ale i pieradadziena ŭ Siejm Litvy.

U zajavie Narodnaja Hramada nastojvaje na «nieabchodnaści praviadzieńnia novych demakratyčnych vybaraŭ i vypracoŭki efiektyŭnaj stratehii dla vychadu ź isnujučaha kryzisu» i zaklikaje ŭsie palityčnyja siły «abjadnacca dziela pošuku rašeńniaŭ, jakija viernuć davier prostych biełarusaŭ».

Narodnaja Hramada paźniej asprečyła, što pieradavała ŭ litoŭski Siejm list ab niepryznańni Cichanoŭskaj. «Tanny ŭbros», — napisała ŭ zajavie partyja.

Pry hetym varta adznačyć, što sama hetaja arhanizacyja zusim nie moža pachvalicca choć by samym minimalnym davieram z boku biełaruskaha hramadstva. Na vybarach u Kaardynacyjnuju radu ŭ traŭni minułaha hoda błok «Salidarnaść», u jaki ŭvachodziła «Narodnaja Hramada», nabraŭ usiaho 104 hałasy ŭ svaju padtrymku (1,55% ad kolkaści tych, chto ŭziaŭ udzieł u hałasavańni) i staŭ adnym z troch udzielnikaŭ tych vybaraŭ, jakija nie pieraadoleli nievysokaha barjeru ŭ 3%, adpaviedna nie atrymaŭšy ŭ hetym orhanie pradstaŭnictva. Upłyvy ž samoj «Narodnaj Hramady» jašče mienšyja, pakolki ŭ tym błoku jany byli abjadnanyja ź inšaj marhinalnaj partyjnaj hrupoŭkaj — častkaj chryścijanskich demakrataŭ na čale z Hieorhijem Dźmitrukom. Apošniaja, darečy, taksama raniej sprabavała adprečvać paŭnamoctvy Cichanoŭskaj.

Bolš taho — pierad vybarami ŭ Kaardynacyjnuju radu «Narodnaja hramada» apynułasia ŭ centry skandału, pakolki akazałasia, što ŭ bazie danosaŭ, zdabytaj «Kibierpartyzanami» z uzłamanaha sajta KDB, byli dva zvaroty ad ludziej z hetaj arhanizacyi: Pavieł Bialucin napisaŭ danos na Mikałaja Aŭtuchoviča, a Volha Ciškievič — na Eduarda Palčysa. Prytym aboje byli ŭžo na emihracyi i źbiralisia bałatavacca ŭ Kaardynacyjnuju radu. Adrazu paśla raskryćcia abodvuch sa śpisaŭ vyklučyli, ale imidž arhanizacyi heta, jak vyhladaje, nie palepšyła. 

Volha Ciškievič nieŭzabavie paśla taho viarnułasia ŭ Biełaruś i dała intervju prapahandystam z ANT. U im jana raskazvała pra Kaardynacyjnuju radu, palitviaźniaŭ, hrošy ŭ partyi i drony, jakimi nibyta źbiralisia ŭdaryć pa Biełarusi.

Kamientary38

  • Łoł
    27.01.2025
    Nie moža być kab ahientyra isnavała. Heta ŭsio kazki Zianona. Nijakoj ahientury nie isnuje ŭ pryrodzie, a ŭ atačeńni Cichanoŭskaj tym bolš.
  • Tak
    27.01.2025
    A čamu tym razam nie napisali i nie padkreślili, što heta SACYJAŁ-DEMAKRATY?

    U vypadku vašych idejnych apanientaŭ, dzie zručna, pišacie, što pravyja, kansiervatary, libierały, ultra/krajnie i tak dalej, a tut ani ŭ zahałoŭku, ani ŭ padzahałoŭku, ani navat u artykule nie znajšłosia miesca napisać, što heta sacyjał-demakraty.

    Padvojnyja standarty?
  • BC
    27.01.2025
    Śmiešna čytać, uzhadajem Hajka Jakova pakryvaŭ Viačorka. Azarova z kabinieta i kolki my jašče daviedajemsia
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Pozna ŭviečary Łukašenka parazmaŭlaŭ jašče i z Džonam Koŭłam. Imavierna, havorka išła pra ŭmovy i terminy vyzvaleńnia palitviaźniaŭ2

Pozna ŭviečary Łukašenka parazmaŭlaŭ jašče i z Džonam Koŭłam. Imavierna, havorka išła pra ŭmovy i terminy vyzvaleńnia palitviaźniaŭ

Usie naviny →
Usie naviny

Były vice-premjer Rusy nazvaŭ Alasku ruskaj ziamloj18

Samit na Alascy: pazityŭny, niehatyŭny i inšyja scenary dla Ukrainy7

Siaredniaja cana mietra ŭ Minsku — 1754 dalary

Jak śpiecsłužby ZŠA rychtujuć sustreču Trampa i Pucina na Alascy1

Minčuk nie vieryŭ, što maci nie moža chadzić, i žorstka zabiŭ jaje. Rodnyja raniej užo vyklikali na jaho milicyju2

Palitźniavolenaja madel Vieranika Žałuboŭskaja vyjšła na svabodu

Paśpiachovaja top-madel žyvie ŭ biełaruskaj vioscy — z hanararaŭ ad Dior i Versace kupiła baćkam karovu8

Biełaruski dyzajnier staŭ suśvietna viadomym dziakujučy dziŭnym videa — ich hladziać dziasiatki miljonaŭ čałaviek24

U Minsku na školnym stadyjonie sieŭ viertalot1

bolš čytanych navin
bolš łajkanych navin

Pozna ŭviečary Łukašenka parazmaŭlaŭ jašče i z Džonam Koŭłam. Imavierna, havorka išła pra ŭmovy i terminy vyzvaleńnia palitviaźniaŭ2

Pozna ŭviečary Łukašenka parazmaŭlaŭ jašče i z Džonam Koŭłam. Imavierna, havorka išła pra ŭmovy i terminy vyzvaleńnia palitviaźniaŭ

Hałoŭnaje
Usie naviny →

Zaŭvaha:

 

 

 

 

Zakryć Paviedamić