Minski aeraport pakazaŭ, jak adbyvajecca deajsinh samalotaŭ VIDEA
U pres-słužbie Nacyjanalnaha aeraporta «Minsk» pakazali, jak adbyvajecca «deajsinh» samalotaŭ. Pracedura z hetaj dziŭnaj nazvaj, jakaja aznačaje apracoŭku mašyny suprać abledzianieńnia, patrebnaja dla taho, kab harantavać biaśpieku pasažyraŭ i samoha pavietranaha sudna.
Skrynšot ź videa
Deajsinh robicca niepasredna pierad uźlotam i doŭžycca ad 5 da 40 chvilin. Jahonaja meta — prybrać źmiorzłyja apadki i praduchilić ich źjaŭleńnie ŭ dalejšym.
Cikava, što čaściej za ŭsio apracoŭku samalota pravodziać z pasažyrami na borcie. Heta nieabchodna dla taho, kab łajnier nie paśpieŭ pakrycca płastom lodu abo śniehu, bo dziejańnie achoŭnaj vadkaści abmiežavanaje pa časie.
Kali pierad palotam nie pravieści praceduru, to heta moža pryvieści da:
- pavieličeńnia masy pavietranaha sudna;
- źmieny formy i hładkaści samalota, što moža adbicca na jaho aeradynamičnych jakaściach;
- błakavańnia abo abmiežavańnia ruchomych elemientaŭ (miechanizacyi);
- padzieńnia ćviordych askiepkaŭ, jakija mohuć paškodzić chvastavoje apiareńnie abo trapić u ruchaviki (kali jany skampanavanyja za kryłami).
Kamientary