Usiaho patrochu1818

«Spadziajusia, heta ŭbačać u Amierycy i ŭ čarhovy raz pačnuć nam zajzdrościć». Tyktok śmiajecca z homielskaha aeraporta

Błohierka pakazała ŭ tyktoku, jak vyhladaje zona vyletu ŭ homielskim aeraporcie. Zdajecca, čas tut spyniŭsia niekalki dziesiacihodździaŭ tamu.

Skrynšot videa ŭ tyktoku

Vieranika vylatała z aeraporta Homiela ŭ Maskvu i vyrašyła źniać videa dla tyktoku i pakazać, jak toj vyhladaje. Kaža, sama była ŭ šoku. Zona rehistracyi bolš-mienš prystojnaja. Jość dźvie stojki rehistracyi i navat kafieteryj. Ale ździŭlaje, kaniešnie, adsutnaść ludziej (u kadr trapiła ŭsiaho dva čałavieki) i miortvaja cišynia.

Pobač z aeraportam amal što pustaja parkoŭka — niahledziačy na toje, što biaspłatnaja. Jak kaža tyktokierka, tyja niekalki pryparkavanych mašyn chutčej za ŭsio naležać rybakam, jakija pryjechali na voziera la aeraporta.

@veronika_mur #homiel #putiešiestvije #otdych #aeroport ♬ orihinalnyj zvuk - veronika_mur

A voś zona vyletu vyhladaje tak, byccam tut pryncypova vyrašyli pakinuć muziej savieckaj hramadzianskaj avijacyi. Raźbityja padłohi, pafarbavanyja farbaj žudasnaha zialonaha koleru ścieny. U kucie sumujuć viadro i švabra, na jakuju niejki haspadarlivy supracoŭnik prylapiŭ razdrukavany na pryntary nadpis «Dla tualetaŭ». Zatoje na ścianie možna ŭbačyć strohaje papiaredžańnie dla zamiežnikaŭ: «No smoking!».

Skrynšoty videa ŭ tyktoku

— Bačycie, jak sučasna, — sumna žartuje Vieranika i paśla dadaje: — U mianie takoje adčuvańnie, byccam ja ŭ 80-ja trapiła.

Kafieteryj taksama vyhladaje vielmi ścipła.

Za try dni videa nabrała kala 420 tysiač prahladaŭ. Kamientatary kpiać. «Spadziajusia, što heta pabačać u Amierycy i ŭ čarhovy raz pačnuć nam zajzdrościć», — napisała adna žančyna. Druhaja adznačyła, što lacieła z hetaha aeraporta kala 30 hadoŭ nazad: «Voś heta stabilnaść! Ničoha nie źmianiłasia!»

A niechta spytaŭ: «A dakładna heta nie vakzał u vioscy?». Jašče adna kamientatarka rastłumačyła situacyju: «Vy nie zrazumieli? Heta ž muziej SSSR! Retra aeraport! Vy nidzie bolš takoha nie pabačycie. Heta taki dyzajn».

Byli i racyjanalizatarskija prapanovy zdavać aeraport u arendu kinošnikam, kab choć niejak pačać na im zarablać.

Byli i kamientary pra toje, što ničoha drennaha ŭ takim aeraporcie niama i treba šanavać toje, što jość.

@veronika_mur

♬ orihinalnyj zvuk - veronika_mur

U adkaz takim niepieraborlivym biełarusam błohierka zapisała videa ŭ aeraporcie Samarkanda (žančyna lacieła ŭ adpačynak va Uźbiekistan z Homiela praz Maskvu). Žyvie ŭ hetym horadzie krychu bolš čałaviek, čym u Homieli, — kala 550 tysiač. Ale ž aeraport Samarkanda vyhladaje sučasna, ludziej tam vidavočna bolš.

Jašče ŭ adnym videa Vieranika kaža:

— Chaciełasia b bačyć naš aeraport u lepšym vyhladzie. Bo heta mižnarodny aeraport, na siekundu. Heta nie sielski aeraport, nie ŭnutrany. Chaciełasia b, kab jon vyhladaŭ prezientabielna dla ludziej, tamu što heta pieršaje ŭražańnie ab našaj krainie.

Kamientary18

  • Bartoš
    03.02.2025
    ludzi jašče niejkija ciktoki zdymajuć. zaraz za luboje videa moža pryjechać hubazik, pastavić da ścienki i budzieš vybačacca. i štraf daduć u lepšym vypadku.
  • Łučše by pa płaščadiam šastała
    03.02.2025
    Našto tabie aeraport, trydcať kiłomietraŭ linija frontu!! Zaŭtra UPA budzie ŭ Homli, dyj z najnoŭšym aeraportam, aha! Nichto ŭkładať u pryfrantavuju zonu nie budzie ni kapiejcy! Ludzi žyvuť u pošnym adryvie ad rečaisnaści, u nas idzie vajna jaki samarkand tabie!
  • Vitiebsk
    03.02.2025
    Sravnili Uźbiekistan s Biełaruśju! Nie možiet provincija moskovii žiť łučšie luboj strany 3 mira. Biełaruś nachoditsia hdie-to mieždu Afhanistanom i sieviernoj Koriejej.

Ciapier čytajuć

«A zmožacie vylecieć zaŭtra?» Džon Koŭł raskazaŭ, jak piŭ z Łukašenkam harełku, kab damovicca pra vyzvaleńnie palitviaźniaŭ1

«A zmožacie vylecieć zaŭtra?» Džon Koŭł raskazaŭ, jak piŭ z Łukašenkam harełku, kab damovicca pra vyzvaleńnie palitviaźniaŭ

Usie naviny →
Usie naviny

Tadej Pahačar: viełavunderkind z maleńkaj słavianskaj krainy, jaki nie maje sabie roŭnych2

Zorka «Biełsata» Valer Rusielik raskazaŭ, čym ryba ŭ Polščy adroźnivajecca ad biełaruskaj13

«Vo adkul dzirki ŭ syry!» Na syrnym pryłaŭku minskaha hipiermarkieta zaŭvažyli pacuka VIDEA7

Izrail i Siryja damovilisia ab spynieńni ahniu1

Cichanoŭskaja: Prašu nie kryŭdzicca, kali Siarhiej vystupaje ź niejkimi rezkimi zajavami44

«Kali zatopić, adrazu i nie zrazumieješ, adkul mienavita». U Minsku jość unikalny šmatpaviarchovik, dzie ŭsie kvatery — trochuzroŭnievyja.2

Stała viadoma pra vyzvaleńnie byłoha žurnalista «Miedyja-Paleśsia» Jaŭhiena Nikałajeviča

Biełaruski futbalist u 25 hadoŭ pierajšoŭ u 13-y kłub u karjery

Hiendyrektara IT-kampanii adchilili paśla videa z padnačalenaj na kancercie Coldplay7

bolš čytanych navin
bolš łajkanych navin

«A zmožacie vylecieć zaŭtra?» Džon Koŭł raskazaŭ, jak piŭ z Łukašenkam harełku, kab damovicca pra vyzvaleńnie palitviaźniaŭ1

«A zmožacie vylecieć zaŭtra?» Džon Koŭł raskazaŭ, jak piŭ z Łukašenkam harełku, kab damovicca pra vyzvaleńnie palitviaźniaŭ

Hałoŭnaje
Usie naviny →

Zaŭvaha:

 

 

 

 

Zakryć Paviedamić