Takim čynam movaznaŭcy chočuć zaachvocić inšych daśledčykaŭ dzialicca svaimi zdabytkami i napracoŭkami z šyrokaj aŭdytoryjaj.
Adkryćcio publičnaha dostupu da elektronnaj biblijateki arabskahrafičnych pomnikaŭ biełaruska-tatarskaha piśmienstva na sajcie Philology.by prymierkavali da Dnia rodnaj movy.
Pradstaŭlenyja ŭ elektronnaj biblijatecy materyjały byli sabranyja padčas navukovych ekśpiedycyj na terytoryi Biełarusi pačynajučy z 2008 hoda. Ale palavyja ŭmovy i adsutnaść času adbilisia na jakaści aličboŭki i apisańnia rukapisaŭ. Na mecie było ŭ pieršuju čarhu zafiksavać znojdzienyja materyjały, zachavać dla dalejšaha vyvučeńnia prynamsi ich źmiest, zrabić ich dasiahalnymi dla daśledčykaŭ, bo rukapisy pry adsutnaści nieabchodnych umoŭ zachoŭvańnia časta psujucca.
Spravu padtrymała tatarskaja hramada.
Pry mahčymaści znojdzienyja ŭ biblijatekach tatarska-musulmanskich hramadskich abjadnańniaŭ abo ŭ siamiejnych zborach manuskrypty zdymalisia ličbavym fotaaparatam, i paźniej častka ź ich była apisanaja ŭ drukavanych katałohach, takich jak «Rukapisy tataraŭ Biełarusi XVIII — pačatku XXI stahodździa ź dziaržaŭnych i hramadskich knihazboraŭ krainy» (2015) i «Tafsiry, kitaby i chamaiły z pryvatnych knihazboraŭ» (2020).
Elektronnaja biblijateka ŭ peŭnym sensie budzie praciaham katałoha 2020 hoda, u joj buduć źmiaščajucca materyjały z pryvatnych zboraŭ, jakija nie byli apisanyja raniej.
Materyjały dla publikacyi padrychtavany viadučym navukovym supracoŭnikam siektara ŭschodaznaŭstva Instytuta movaznaŭstva imia Jakuba Kołasa NAN Biełarusi Michaiłam Tarełkam pry ŭdziele zahadčyka hetaha siektara Dźmitryja Sieŭruka i staršaha navukovaha supracoŭnika Iryny Synkovaj.
Na siońnia vykładzieny ŭ volny dostup try pomniki biełaruska-tatarskaha piśmienstva: dva chamaiły pačatku XX st. i kanca XIX — pieršaj pałovy XX st. z Uzdy i chamaił druhoj pałovy XIX — pieršaj pałovy XX st. sa Śmiłavičaŭ. Heta śpis budzie papaŭniacca movaznaŭcami.
Kožnaja publikacyja ŭklučaje ličbavuju kopiju rukapisu i jaho apisańnie.
Ciapier čytajuć
Hałyhina prymusili apraŭdvacca za zvarot da siłavikoŭ u 2020-m14
Hałyhina prymusili apraŭdvacca za zvarot da siłavikoŭ u 2020-m
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary