Zialenski pakul nie hatovy padpisać pahadnieńnie z ZŠA ab karysnych vykapniach
Prezident Ukrainy Uładzimir Zialenski nie hatovy padpisać z ZŠA pahadnieńnie ab redkaziamielnych vykapniach, bo Kijeŭ bačyć u prajekcie dakumienta «šerah prablemnych pytańniaŭ». Pra heta paviedamlaje Sky News sa spasyłkaj na ŭkrainskuju krynicu.
Pa słovach surazmoŭcy telekanała, ciapierašni prajekt nie adlustroŭvaje partniorstva, a ŭtrymlivaje tolki adnabakovyja abaviazacielstvy z boku Ukrainy.
Raniej prezident ZŠA Donald Tramp i jahony daradca pa nacyjanalnaj biaśpiecy Majk Uołtc kazali, što baki blizkija da pryniaćcia dakumienta.
Napiaredadni vydańnie Axios, spasyłajučysia na ŭłasnyja krynicy, paviedamlała, što Vašynhton pradstaviŭ «palepšanuju» viersiju ŭhody. Pavodle infarmacyi žurnalistaŭ, ZŠA i Ukraina viali pieramovy ŭsiu noč na piatnicu 21 lutaha.
Jak nahadvaje Sky News, pierad tym Zialenski pravioŭ pieramovy z amierykanskim pasłańnikam pa Ukrainie Kitam Kiełaham u Kijevie. Paśla sustrečy ŭkrainski prezident vykazaŭ nadzieju na dasiahnieńnie mocnych damoŭlenaściaŭ z Vašynhtonam. Kiełah, u svaju čarhu, acharaktaryzavaŭ Zialenskaha jak «advažnaha lidara krainy, jakaja vajuje», što kantrastuje z rytorykaj Donalda Trampa, jaki apošnim časam usio čaściej krytykuje Ukrainu i jaje prezidenta. Adnak, jak raskazaŭ vydańniu ŭkrainski čynoŭnik na ŭmovach ananimnaści, isnujuć sumnievy adnosna realnaha ŭpłyvu Kiełaha, bo jość adčuvańnie, što jahonaja rola była «adsunutaja na druhi płan».
Daradca Trampa źviazaŭ jaho rezkija zajavy ab Ukrainie z zatrymkaj «pahadnieńnia pa karysnych vykapniach»
Tramp zajaviŭ pra zryŭ pahadnieńnia z Ukrainaj pa redkaziamielnych mietałach
Umovy prapanavanaj ekanamičnaj damovy pamiž ZŠA i Ukrainaj vyhladajuć kabalnymi
Jak Ukrainu šantažavali ŭ Miunchienie i čamu sarvałasia ździełka z ZŠA
ZŠA dali zrazumieć Ukrainie, što hatovyja raźmiaścić u krainie vojski ŭ abmien na dostup da 50% jaje karysnych vykapniaŭ
Kamientary