Błohier Vadimati: Majo «pakajannaje» videa siłaviki zdymali try razy. I ničoha nie vyjšła
U novym vypusku TOKu były palitźniavoleny Vadzim Jermašuk, bolš viadomy jak błohier Vadimati, raskazaŭ, jak siłaviki sprabavali źniać ź im prymusovaje videa — i čamu ŭ ich ničoha nie atrymałasia.
«Kali mianie zatrymali, taksama zdymali «pakajannaje» videa. (…) Ja ŭ vobrazie deputata [byŭ]. U mianie letni vobraz: šorty-kletačka, kašulečka-kletačka, halštuk, kiepka. I ŭ mianie ściah. Heta videa try razy zapisvali, — raskazvaje Vadzim Jermašuk. —
Ja ŭstaŭ, i jany ŭklučyli kamieru. Ja kažu: «Siabry, biełarusy, ja nie mieŭ racyju. Jak ja moh na hety cudoŭny ściah skazać takoje słova — «anučka». Vy viedajecie, ja lublu našu krainu, ja lublu našu Biełaruś». I ledź nie całuju hety ściah».
Jak zhadvaje błohier, zapisanaje videa milicyjanier pajšoŭ pakazać načalniku, a kali viarnuŭsia, to skazaŭ, što treba pierapisać.
«Ja znoŭ. A jon na mianie: «Słuchaj, a što ty niejak hulaješ?» — «Viedajecie, ja voś u KVZ zaŭsiody ŭdzielničaŭ. I ŭ mianie, kali ŭklučajecca kamiera, niejak [voś tak] idzie» — «A ty možaš spakojna skazać?» — «Nie viedaju, kamiera ŭklučajecca — i ŭsio».
Karaciej, try videa źniali. I što ja tam nahavaryŭ? Ja nie pamiataju. Ja byccam by na kalena [staŭ] i potym ruki skłaŭ: «A božački». Ja ŭžo čakaŭ, što jano vyjdzie. Nie vyjšła», — raskazvaje błohier i zaŭvažaje, što toje videa było jašče trešoviejšaje za «chłopotnoje dielcie».
Hladzicie całkam:
Palitviazień Jermašuk nazvaŭ imiony źniavolenych, jakija stukali administracyi kałonii i psavali jamu žyćcio
«Admyvaŭ haŭno z unitazaŭ, my tam jak samyja končanyja». Błohier Vadzim Vadimati Jermašuk — pra toje, jak žyŭ u kałonii ŭ «nizkim statusie»
«My dla ich — miasa». Palitviazień vyjšaŭ ź miełanomaj, jon uskładaje vinu na načalnicu sančaści i prymusovaje haleńnie hałavy
Ciapier čytajuć
Vučniaŭ, jakija z matam parvali ekzamienacyjnyja bilety pa historyi Biełarusi, prymusili vybačacca kala manumienta Pieramohi45
Kamientary