Ułady Viciebska pryniali rašeńnie ŭvieści kurortny zbor. Heta vynikaje z rašeńnia, jakoje było apublikavana na Nacyjanalnym pravavym internet-partale.
Apłačvać hety zbor buduć abaviazanyja fizičnyja asoby, adnak isnujuć peŭnyja vyklučeńni z praviłaŭ. Tak, kurortny zbor užo ŭviali ŭ Viciebsku. Pastanova ŭstupaje ŭ siłu z dnia apublikavańnia, a novy tekst rehuluje adnosiny, jakija ŭźnikli z 1 studzienia 2025 hoda.
Spłačvać kurortny zbor buduć fizičnyja asoby, jakija pražyvajuć nie mienš za sutki ŭ sanatoryjach, prafiłaktoryjach, azdaraŭlenčych centrach, łahierach i damach adpačynku (pansijanatach), što znachodziacca na terytoryi abłasnoha centra.
Raźličvacca kurortny zbor budzie ad koštu pucioŭki, a kali takoj niama — ad sumy płatnych pasłuh. Staŭka kurortnaha zboru ŭstanoŭlena pamieram 5%.
Ad kurortnaha zboru vyzvalajucca dzieci da 18 hadoŭ, vieterany Druhoj suśvietnaj vajny, invalidy I i II hrup, a taksama asoby, jakija ich supravadžajuć.
Akramia taho, u hety śpis uvachodziać likvidatary avaryi na Čarnobylskaj AES, viaźni fašysckich kancłahieraŭ i vieterany bajavych dziejańniaŭ na terytoryi inšych dziaržaŭ.
Taksama hety padatak nie buduć spahaniać ź dziaciej, jakija adpraŭlajucca ŭ letnija łahiery, i z tych, chto jedzie na azdaraŭleńnie pa pucioŭcy za košt biudžetnych srodkaŭ abo strachavych vypłat.
Ciapier čytajuć
Špakoŭski pra saŭładalnika «Varhiejminha» Kacałapava: Prafinansavaŭ pratesty na 296 tysiač dalaraŭ2
Kamientary