Miechaniki z Hrodna pabudavali «Vałhaci» — z Bugatti i «Vołhi». Mašyna sapraŭdy prymusić azirnucca
Na śmieły prajekt spatrebiłasia bolš za try hady i bolš za sotniu tysiač dalaraŭ, piša «Točka».
Kastamajziery z Hrodna pabudavali adnu z samych jarkich mašyn u krainie: śpieradu — Vołha, a zzadu Bugatti.
Savieckaja kłasika ŭdała dapoŭniła pretencyjozny francuzski dyzajn.
Na pabudovu «Vałhaci» pajšło try z pałovaj hady i bolš za $100 tys.
«Donaram my ŭziali šaściorku BMW u kuzavie Je63. Chacieŭ dla bazy niešta mahutnaje i zadniepryvadnych», — raspaviadaje Alaksandr, huru prajekta.
Chłopcy pišuć prahramnaje zabieśpiačeńnie, kab na chutkaści vyšej 100 km/h zadni spojler dapamahaŭ prytarmažvać. Sinchranizujuć pracu škła ŭ biezramačnych dźviarach, detalizujuć zadnija lichtary. Pa sałonie jašče pracy chapaje.
Heta ŭsio drobiazi. A voś z pastanoŭkaj na ŭlik — prablema. I heta ŭžo surjozna. Ale Alaksandr nie mocna pieražyvaje z hetaj nahody.
Matrycy i pracesy adpracavanyja — možna źbirać «Vałhaci» drobnaj sieryjaj. Akazvajecca, u hetym i była hałoŭnaja zaduma aŭtara.
Prablemy z rehistracyjaj transpartu ŭ susiedniaj krainie vyrašajucca praściej — praŭda, pryraście adčuvalny plus da cany.
Pad kluč «Vałhaci» z dakumientami budzie kaštavać prykładna $120 tys.
Ciapier čytajuć
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1818
Kamientary