U žniŭni 2024 hoda padčas praviadzieńnia mikałahičnych daśledavańniaŭ supracoŭnikami navukovaha adździeła Nacyjanalnaha parku «Biełaviežskaja pušča» ŭ zapaviednaj zonie upieršyniu byŭ znojdzieny hryb, vonkava padobny na raniej nie adznačany ŭ Biełarusi vid — mierypiłus hihancki (Meripilus giganteus), paviedamili na sajcie «Biełaviežskaj puščy».
Uzory hryba byli pieradadzienyja ŭ Instytut ekśpierymientalnaj bataniki NAN Biełarusi dla łabaratornaha vyvučeńnia. Pa vynikach hienietyčnych daśledavańniaŭ była paćvierdžanaja prynaležnaść hryba da hetaha vidu. Znojdzienyja ŭzory hryba ŭniesienyja ŭ kalekcyju hierbaryja instytuta.
Vonkava hryb vielmi pryhožy. Jon raście kala asnovy stvałoŭ i pnioŭ mnohich liścianych dreŭ, ź jakich čaściej za ŭsio addaje pieravahu dubu (u Jeŭropie raście taksama na buku, zredku na ihličnych drevach). Pładovyja cieły mohuć raści taksama na pahružanaj u hlebu draŭninie, i ŭ hetym vypadku majuć šmatlikija kapialušyki, jakija ŭnizie trymajucca na adnoj ahulnaj asnovie.
Pa encykłapiedyčnych dnych masa pładovaha cieła ŭ bujnych ekzemplaraŭ mierypiłusa hihanckaha moža dasiahać 25-30 kh.
Pavierchnia poraŭ Meripilus giganteus pry paškodžańni chutka afarboŭvajecca ŭ ciomna-karyčnievy abo čorny koler.
Hryb adnosicca da katehoryi jadomych vidaŭ, ale ŭ ježu rekamiendujecca vykarystoŭvać tolki maładyja mierypiłusy. Choć u ich miakkaja i dalikatnaja miakać, viadoma, što ŭ niekatorych ludziej hetyja hryby vyklikajuć niastraŭnaść.
Ciapier čytajuć
U SIZA KDB apynuŭsia Mikałaj Cyrto, fihurant staroj spravy Biełarusbanka. Druhi raz — za palityku1
Kamientary