Kamandujučy Suchaputnych vojskaŭ USU paćvierdziŭ rasijski ŭdar pa palihonie ŭ tyle
Rasiejcy nanieśli ŭdar pa palihonie ŭ Dnieprapiatroŭskaj vobłaści, dzie znachodzilisia ŭkrainskija vajskoŭcy, paviedamiŭ kamandujučy Suchaputnymi vojskami Uzbrojenych sił Ukrainy Michaił Drapaty.
«Ja budu patrabavać samaha žorstkaha pakarańnia. Tyja, chto praciahvaje niadbajna i farmalna vykonvać svaje abaviazki ŭ hady vajny, tyja, chto «ŭciahvaje» vajskoŭcaŭ u sastarełyja paradki, hrebujučy ich biaśpiekaj, tyja, chto zajaŭlaje pra siabie nie ŭ bai, a pryhniatajučy padnačalenych — usie jany hańbiać Uzbrojenyja siły Ukrainy», — skazaŭ jon.
Drapaty vykazaŭ spačuvańni siemjam zahinułych i ich tavaryšam i paviedamiŭ ab chodzie rasśledavańnia abstavinaŭ trahiedyi.
Učora ŭ sacyjalnych sietkach raspaŭsiudziłasia infarmacyja pra naniasieńnie ŭdaru padčas pastrajeńnia pa Novamaskoŭskim palihonie ŭ rajonie vioski Čarkaskaje, dzie dysłakavałasia 157-ja asobnaja miechanizavanaja bryhada Uzbrojenych sił Ukrainy.
Kolkaść zabitych nieviadomaja.
«Miarkuju, što praŭdu buduć sprabavać schavać u tumanie biurakratyi. Ale ja hetaha nie dapušču», — skazaŭ Drapaty.
Ciapier čytajuć
Eks-palitviazień adkryŭ zbor na siabie — inšyja palitviaźni aburanyja i kažuć, što jon stukač i machlar2
Kamientary
Około sotni dvuchsotvch.