Łukašenka zabaraniŭ ministru kultury prymać na pracu navat samych talenavitych dziejačaŭ, kali tyja vystupali suprać režymu. I heta nie ŭsio
Łukašenka ličyć, što tym, chto pracuje ŭ «adukacyi, ŚMI, kultury, sporcie», daravać vystupy 2020 hoda nielha.
Alaksandr Łukašenka ŭ časie kadravych naznačeńniaŭ u sacyjalny błok urada vykazaŭsia nakont taho, jak stavicca da rabotnikaŭ tych abo inšych śfier, jakija vystupali suprać režymu.
«Jość niejkija rodnyja, blizkija, znajomyja. «Ja liču, što jany vielmi talenavityja, — ja cytuju niekatorych ministraŭ. — Tamu jany pavinny pracavać». Niahledziačy na toje, što jany vorahi faktyčna našaj dziaržavy i siadziać da pary da času pad vienikam. U vašaj struktury takich dastatkova. Bolš, čym dzie-niebudź. Hetaha być nie pavinna», — skazaŭ Łukašenka.
Łukašenka ličyć, što tym, chto pracuje ŭ «adukacyi, ŚMI, kultury, sporcie», daravać nielha.
«My pieražyli z vami hety pieryjad. Treba ŭmieć prabačać. Treba ŭmieć. Kali heta mahčyma. Ale kali čałaviek parušyŭ, pierastupiŭ zakon, śviadoma heta zrabiŭ, jakoje tut moža być prabačeńnie? Ja heta kažu ŭ hetym kole tamu, što nu jak možna prabačyć publičnych ludziej? Usie publičnyja ludzi — achova zdaroŭja, adukacyja, ŚMI, kultura, sport… usie publičnyja. I kali vy parušyli dzieści paradak, zakon, kali vy vystupali suprać dziaržavy, heta ž bačyŭ uvieś narod. Vy — publičnyja ludzi», — skazaŭ Alaksandr Łukašenka.
Jon admysłova źviarnuŭsia da ministra kultury nie prabačać navat samych talenavitych.
«Tamu Rusłan (ministr kultury Rusłan Čarniecki — NN), kali ŭ ciabie tam jość niejkija chistańni (nu jak, heta voś jon u kiniematahrafii moža kino źniać, bolš nichto…), treba heta spynić. Ty — dziaržaŭny čałaviek. Jany pavinny być takija, jak ty. Voś i ŭsia razmova», — skazaŭ Łukašenka.
Ciapier čytajuć
Filipienka raskazaŭ, ad kolkich svaich knih admoviŭsia b i čamu pradaŭ «Tesłu»1
Kamientary
Vot kak vy dumajetie, Čierčiłl by,Tetčier, Riejhan—do takoho by opustiliś? A eta śbiežavšaja iz «Vožyka» karikatura na čiełovieka—v poriadkie vieŝiej. To jesť jeŝie raz: o jeho sistiemie ciennostiej—iesť tolko jeho sobstviennaja hromadnaja raskormlennaja zadnica,ieho otpryski,ieho lubovnicami i vsie. Dažie viernych chołujev.on nie razdumyvaja ,otpravit v topku radi siebia.
Kohda žie užie…