Pa ŭsioj Biełarusi ŭstalavali kala 60 tysiač razumnych kamier z raspaznavańniem tvaraŭ
Ministr unutranych spraŭ Ivan Kubrakoŭ pachvaliŭsia achopam kamier pa ŭsioj krainie.
U Biełarusi ŭstanoŭlena kala 60 tysiač razumnych kamier videanazirańnia.
Takija kamiery zdolnyja adsočvać ludziej, raspaznavać tvary i čytać numarnyja znaki aŭtamabilaŭ, piša BiełTA.
«Na siońniašni dzień u Biełarusi achova hramadskaha paradku robicca nie tolki piešymi patrulami. Kala 60 tysiač razumnych kamier videanazirańnia pracujuć pa ŭsioj krainie. Hetyja kamiery mohuć adsočvać čałavieka, raspaznavać tvary, čytać numarnyja znaki. Luboje pravaparušeńnie, jakoje ździajśniajecca ŭ hramadskim miescy, my raskryvajem pa haračych śladach. Pa ŭsioj krainie stvoranyja centry manitorynhu hramadskaj biaśpieki», — zajaviŭ kiraŭnik MUS Ivan Kubrakoŭ.
U MUS užo raskazvali pra toje, jak pracuje sistema videanazirańnia. Pavodle słoŭ siłavikoŭ, kožny čałaviek, jaki traplaje ŭ pole zroku kamier, moža być identyfikavany i adsočany ŭ režymie realnaha času, a jahonyja pieramiaščeńni zachoŭvajucca ŭ bazie danych.
Heta aznačaje, što milicyja i inšyja dziaržaŭnyja struktury majuć mahčymaść u luby momant daviedacca, dzie byŭ čałaviek, u jakija miescy zachodziŭ i jak pieramiaščaŭsia pa krainie.
Ciapier čytajuć
Łukašenka patłumačyŭ, čamu jaho nie vidać pa sieradach i subotach18
Łukašenka patłumačyŭ, čamu jaho nie vidać pa sieradach i subotach
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary