Makron: Budučyniu Jeŭropy nie buduć vyznačać ni ŭ Vašynhtonie, ni ŭ Maskvie
Makron źviarnuŭsia da francuzskaj nacyi, kamientujučy vajnu va Ukrainie i situacyju ź biaśpiekaj u Jeŭropie. Prezident Francyi źbiraje ŭ Paryžy kiraŭnikoŭ Hienštaboŭ Jeŭropy, abiacaje krainam ES jadzierny parason, paviedamlaje telekanał France 24.
«My ruchajemsia da novaj ery», — skazaŭ Makron.
Prezident Francyi Emanuel Makron pačaŭ svaju pramovu ŭ prajm-tajm ź pieraličeńnia biahučych prablem u halinie biaśpieki i ekanomiki, jakija stajać pierad krainaj.
Mir va Ukrainie nie moža nastupić, kali Rasija dyktuje ŭmovy ci kali Ukraina źniščana ci kapitulavała — mir nie moža być dasiahnuty «luboj canoj», ličyć Makron.
«Budučyniu Jeŭropy nie buduć vyznačać ni ŭ Vašynhtonie, ni ŭ Maskvie», — adznačyŭ jon.
Prezident Francyi pierakanany, što Jeŭropa ŭ stanie lepš abaraniać siabie i što joj treba raspracavać doŭhaterminovy mirny płan. Važna bolš uzbrojvacca, skazaŭ jon.
«Rašeńni, jakija buduć pryniatyja zaraz, paŭpłyvajuć na ŭsiu budučyniu», — dadaŭ Makron.
Prezident nahadaŭ pra mahčymaść adpraŭki jeŭrapiejskich vojskaŭ va Ukrainu, ale padkreśliŭ, što heta nieabaviazkova značyć ich udzieł u baraćbie na froncie. Pahroza z boku Rasii pavialičvajecca na ŭsiu Jeŭropu, «heta nie prosta rasijska-ŭkrainski kanflikt, heta mižnarodny kanflikt».
Taksama Makron zajaviŭ, što abmiarkuje ź jeŭrapiejskimi kalehami ideju vykarystańnia francuzskich srodkaŭ jadziernaha strymlivańnia dla abarony kantynienta pierad tvaram pahroz z boku Rasii.
«Rasija praciahvaje pieraŭzbrojvacca, jana vydatkoŭvaje 40% svajho biudžetu na abaronu. Da 2030 hoda Rasija choča mabilizavać dadatkova jašče try miljony žaŭnieraŭ i dadać da ŭzbrajeńnia jašče čatyry tysiačy tankaŭ», — zaŭvažyŭ Makron.
Na nastupnym tydni Francyja źbiare načalnikaŭ štaboŭ usich krain, hatovych «harantavać budučy mir va Ukrainie». Makron skazaŭ, što Francyja pavinna być hatovaja, kali ZŠA «bolš nie buduć pobač ź joj».
-
Va ŭkrainski pałon trapili jašče troje hramadzian Biełarusi, jakija vajavali na baku Rasii. Usie jany byli sudzimyja
-
«Dva-try tydni». Ad Arastoviča da Budanava — 5 hučnych prahnozaŭ pra vajnu, jakija nie spraŭdzilisia
-
Zialenski: Rasija płanuje dźvie ciažkija nastupalnyja kampanii, try papiarednija — pravalilisia
Ciapier čytajuć
Łukašenka zahadaŭ pryščaplać nieluboŭ da Polščy pačynajučy sa škoły85
Łukašenka zahadaŭ pryščaplać nieluboŭ da Polščy pačynajučy sa škoły
«U vyniku jon skazaŭ mnie: «Chopić mianie šantažavać, ja chaču palubavacca hetymi drevami». Aksana Kołb raskazała, pra što razmaŭlała sa Statkievičam na miažy88
Kamientary
Kaliści kazali što Rasieja zachopić Kijeŭ za 3 dni. 3 hady paźniej pucin prosić svajho hałoŭnaha chajruśnika ŭ Vašynhtonie kab jon pierastaŭ dapamahać Ukrainie