Pra namiery skaracić śpis zabaronienych u Biełarusi dla žančyn rabot raskazała ministarka pracy i sacyjalnaj abarony Natalla Paŭlučenka, paviedamlaje BiełTA.
Havorka idzie pra śpis ciažkich rabot i rabot sa škodnymi i (abo) niebiaśpiečnymi ŭmovami pracy, na jakich zabaraniajecca pryciahnieńnie da pracy žančyn. Raniej jaho ŭžo značna skaracili, i na siońnia ŭ śpis uklučana 88 pazicyj, jakija ŭtrymlivajuć zabaronienyja dla žančyn vidy rabot i nazvy rabočych prafiesij.
«Viadoma, hety praces nie spynieny. My pracujem nad novym skaračeńniem hetaha pieraliku», — skazała Natalla Paŭlučenka, patłumačyŭšy, što ekanomika madernizujecca i aptymizujucca vytvorčyja pracesy, što palahčaje pracu.
«My zdymajem hetyja abmiežavańni, sumiesna ź Ministerstvam achovy zdaroŭja vyvučajučy tyja škodnyja faktary, jakija zastalisia, i rychtujem prapanovu pa čarhovym skaračeńni śpisu škodnych prafiesij, na jakich nie mohuć pracavać žančyny, dla bolš šyrokaj prapanovy na rynku pracy dla našych dam», — skazała ministarka.
Ciapier čytajuć
Voś jak vyhladaje z kosmasu aśviatleńnie Minska ŭ paraŭnańni z susiednimi stalicami FOTAFAKT2
Voś jak vyhladaje z kosmasu aśviatleńnie Minska ŭ paraŭnańni z susiednimi stalicami FOTAFAKT
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1515
Kamientary