Tarakany ŭ chaładzilniku, ćvil i abadrany parkiet. Za paŭhoda arandatary z Afryki źniščyli kvateru minčukoŭ
Kvatera Maryny, jakuju jana zdavała ŭ arendu, zaraz vyhladaje žachliva. Chaładzilnik strašna adkryvać, bo ŭ im pasialilisia tarakany, ćvil razrasłasia na stoli, padvakońnikach i ŭ vannaj, matrac uvieś u plamach, a parkiet vyhladaje tak, byccam pa im jeździli mašyny. Usio heta — vynik haspadarańnia arandataraŭ z Afryki, jakija litaralna za paŭhoda pieratvaryli dahledžanaje žytło ŭ sapraŭdnaje piekła, piša Onliner.by.
Biaskryŭdny pačatak historyi
Maryna z mužam zajmajucca standartnym arendnym «biznesam» — zdajuć svaju trochpakajovuju kvateru na Cikockaha. Robiać heta aficyjna: pa damovie, z apłataj padatkaŭ.
— My sami žyli ŭ hetaj kvatery da naradžeńnia dvajniat, — raskazvaje žančyna. — Potym na niekatory čas zdali jaje biełarusam. Paśla žyli hruziny — cudoŭnyja chłopcy. U ich zaŭsiody pachła vinom i čurčchiełaj, usio było čysta i akuratna.
Letaś, kali pryjšoŭ čas šukać novych kvatarantaŭ, my pa zvykłaj schiemie raźmiaścili abjavu, vyznačyli košt arendy ŭ $500 pa kursie i pačali čakać vodhukaŭ.
Kvatera da:
Zvanok pastupiŭ prykładna praz paŭtary hadziny — žyllom cikavilisia zamiežnyja hramadzianie. Jany pryjšli na prahlad, abmierkavali ŭmovy, i abodva baki pahadzilisia.
— Ja prasiła muža pačakać i pašukać inšych arandataraŭ, ale ŭ vyniku my vyrašyli zaćvierdzić pieršych, chto adhuknuŭsia.
Paoła, Sisoka, Mata Žerve — vychadcy z Konha i Hviniei. Małodšamu 23 hady, starejšamu — 29. Jany pradstavilisia studentami BNTU. U Minsku, pavodle ich słoŭ, atrymlivali druhuju vyšejšuju adukacyju, tamu i šukali žyllo.
Damovu arendy ŭładalniki zaklučyli 27 žniŭnia 2024 hoda, uziali zakład, aformili časovuju rehistracyju ŭsim traim afrykancam i razyšlisia.
Pačynajecca dziŭnaje
Maryna pryznajecca, što płaciažy pastupali rehularna: hrošy dobrasumlenna pieraličvalisia na kartku abo pieradavalisia asabista na niejtralnaj terytoryi.
— A ŭ listapadzie jany paviedamili, što adzin ź ich siabroŭ źnik, pakinuŭšy ŭ kvatery pašpart, — praciahvaje haspadynia. — Ja źviarnułasia ŭ milicyju z prośbaj, pa-pieršaje, jaho adšukać, a pa-druhoje, dapamahčy z vypiskaj z kvatery. Ale sprava nie zrušyłasia.
Paśla zahadkavaha źniknieńnia Sisoka chłopcy pryviali novaha siabra — Neryja. Maryna aformiła jamu časovuju rehistracyju pa inšym adrasie, dazvoliŭšy žyć razam z astatnimi. Prykładna ŭ hety ž čas muž i žonka pajechali ŭ adpačynak.
Ale spakoj doŭžyŭsia niadoŭha. Žychary źviazalisia ź imi z prośbaj kupić pralnuju mašynu.
— Kuplu i dastaŭku my aformili anłajn. Śpiecyjalisty, jakija ŭstaloŭvali techniku, paśla patelefanavali i skazali, što ŭ kvatery strašennaja antysanitaryja. Paprasili źviarnuć uvahu.
Žychary abiacali navieści paradak da viartańnia haspadaroŭ. Ale ŭžo na nastupny dzień jany šakavali paviedamleńniem, što bolš nie znachodziacca ŭ Biełarusi.
A dalej — poŭny treš
Źmiest paviedamleńnia vyhladaŭ padazrona, a kali dakładniej — niezakonna. Kab źjechać z arandavanaj kvatery, treba aficyjna skasavać damovu. Ale heta było jašče paŭbiady.
Para pryjechała, adkryli dźviery i zastyli ŭ žachu.
Kvatera vyhladała tak, byccam u joj hadami žyli asacyjalnyja elemienty, chacia prajšło ŭsiaho šeść miesiacaŭ z momantu zasialeńnia afrykancaŭ.
Uborka, vidavočna, nikoli nie pravodziłasia.
Asablivy «šyk» byŭ u chaładzilniku: talerki ź ćvillu i chleb, natoŭpy tarakanaŭ i nievynosny pach.
U spalni situacyja nie lepšaja.
Parkiet u haścinaj maje patrebu ŭ terminovym ramoncie. Ćvil raspaŭzłasia pa kutach, ścienach i stoli:
Vanny pakoj:
Darečy, pakidajučy abžytyja mietry, afrykancy pakinuli ŭ kvatery šmat dziŭnaha: niekalki pašpartoŭ na nieznajomyja ŭładalnikam imiony, čamadan z čyimści adzieńniem, žanočyja rečy, svaju miascovuju valutu.
Maryna iranizuje: u vannaj stajała šmat srodkaŭ dla intymnaj hihijeny, heta značyć chłopcy achajnyja, praŭda tolki ŭ dačynieńni da siabie, a nie doma, u jakim žyvuć.
Žylcy spačatku vychodzili na kantakt nieachvotna, spasyłajučysia na «žalezny arhumient», što jany znachodziacca za miežami krainy. Paźniej i zusim pierastali adkazvać.
Maryna padličvaje straty:
— Vydaleńnie ćvili na kuchni i ŭ vannaj abydziecca ŭ 800—900 rubloŭ. Hienieralnaje prybirańnie budzie kaštavać $200—300. Na adnym z łožkaŭ lažaŭ zusim novy matrac, jaki ciapier vyhladaje tak, byccam na im spali bamžy. Chimčystka matraca — $100. Treba adramantavać parkiet, pafarbavać ścieny i vybialić stoli.
Na ŭsie pracy spatrebicca prykładna $3000. Heta roŭna taja suma, jakuju my atrymali za hetyja paŭhoda ad arandataraŭ.
Situacyja budzie vyrašacca z pryciahnieńniem milicyi i ŭ sudovym paradku
— My budziem vyklikać milicyju, składać akty ab naniasieńni škody majomaści. Kvatera zastrachavanaja, ale pakul nie viedajem, ci pakryje strachoŭka taki vypadak. Taksama nieabchodna aficyjna vypisać arandataraŭ. Heta robicca praz sud, tamu zaraz my najmajem advakata. Na heta spatrebicca prykładna $400, — padsumavała Maryna.
Ciapier čytajuć
«Kab Biełaruś nie addali Pucinu ŭ jakaści suciašalnaha pryza». Cichanoŭskaja zaklikaje ŭklučyć biełaruskaje pytańnie ŭ mirnyja pieramovy Ukrainy i Rasii3434
Kamientary