Kultura11

U Nacyjanalnym mastackim muziei prachodzić niezvyčajnaja vystaŭka

Aŭtary vystaŭki znajomiać z archieałahičnymi znachodkami, jakija redka pryciahvajuć uvahu nieśpiecyjalistaŭ, ź inšaha boku, pakazvajučy nie tolki ich histaryčnuju, ale i mastackuju kaštoŭnaść dla Biełarusi. 

Padvieska z čyrvonaj emallu na vystaŭcy. Fota: telehram-kanał «Vaš Chudožiestviennyj»

Vystavačny prajekt «Mastactva ŭ archieałohii» ŭ Nacyjanalnym mastackim muziei Biełarusi startavaŭ 27 lutaha. 

Ekspazicyja pryśviečana archieałahičnym znachodkam, jakija ŭvachodziać u zbor muzieja i adlustroŭvajuć historyju biełaruskaha dekaratyŭna-prykładnoha mastactva. Choć archieałohija nie źjaŭlajecca asnoŭnym napramkam zboru muzieja, u ekspazicyju ŭvajšła amal pałova jaho archieałahičnaj kalekcyi, što robić vystaŭku asabliva značnaj.

Kuratarskaja ekskursija pa vystaŭcy dla studentaŭ. Fota: telehram-kanał «Vaš Chudožiestviennyj»

«My — muziej mastackaha profilu, tamu asobnaj archieałahičnaj kalekcyi ŭ nas niama. A toje, što my majem, źjaŭlajecca častkaj kalekcyi «Biełaruskaje dekaratyŭna-prykładnoje mastactva». Ale na praciahu historyi naš muziej čas ad času papaŭniali vyniki raskopak.

U 1962 hodzie ŭ muziej pieradali reštki kafli Navahrudskaha zamka, jakaja raniej znachodziłasia ŭ zborach Vilenskaha biełaruskaha muzieja Ivana Łuckieviča. Paźniej paśla restaŭracyi jaje nakiravali ŭ novastvorany zbor zamkavaha kompleksu «Mir».

Adnak najbolš kaštoŭnyja pradmiety patrapili da nas u 1963 i 1975 hadach pa vynikach raskopak u Vaŭkavysku i Minsku adpaviedna. Usiaho ŭ našych fondach nie bolš za 200 artefaktaŭ, znojdzienych padčas raskopak, na vystaŭcy pradstaŭleny 89», — adznačaje kuratar vystaŭki Dźmitryj Monič.

Plitka z zaamorfnaj vyjavaj, vyjaŭlenaja ŭ Vaŭkavysku. Fota: Anłajnier

Siarod najbolš unikalnych ekspanataŭ — kamiennyja abrazki XIII stahodździa, znojdzienyja padčas raskopak u Minsku ŭ 1950-ch hadach pad kiraŭnictvam Eduarda Zaharulskaha i Vasila Tarasienki. Nie mienš značnymi źjaŭlajucca kaścianyja šachmatnyja fihury i kamiennaja plitka z zaamorfnaj vyjavaj, vyjaŭlenyja ŭ Vaŭkavysku ekśpiedycyjaj Vasila Tarasienki i Jarasłava Źviaruhi. Akramia taho, u ekspazicyi pradstaŭlena vialikaja kolkaść staražytnych kryžykaŭ i abrazkoŭ, jakija raskryvajuć duchoŭny śviet prodkaŭ.

Kuratar adznačaje, što hetyja artefakty stali «chrestamatyjnymi» — ich vyjavy nieadnarazova publikavalisia ŭ mastackich albomach i histaryčnych vydańniach.

Kryžy-enkałpijony na vystaŭcy. Pravy kryž z Kupiacickaha manastyra šanavaŭsia jak cudatvorny abraz Maci Božaj. Fota: telehram-kanał «Vaš Chudožiestviennyj»
Dvuchbakovy kamienny abrazok z vyjavami Śviatoha Piatra i Maci Božaj Ahijasarytysy ź Minskaha zamčyšča. Fota: telehram-kanał «Vaš Chudožiestviennyj»
Łuńnica na vystaŭcy. Fota: telehram-kanał «Vaš Chudožiestviennyj»

«Hetaj vystavaj chočacca nahadać pra siabie i źviarnuć na muziej uvahu archieołahaŭ, kab u budučyni aktyvizavać supracoŭnictva pa znachodkach, jakija najpierš majuć mastackuju vartaść», — dadaje Dźmitryj Monič.

Ekspazicyja razhornutaja ŭ pierachodnaj halerei hałoŭnaha korpusa muzieja (vuł. Lenina, 20) i budzie dastupnaja dla naviedvańnia da 6 krasavika 2025 hoda. Heta ŭnikalnaja mahčymaść ubačyć staražytnyja artefakty, jakija źjaŭlajucca śviedčańniem bahataj historyi i kulturnaj spadčyny Biełarusi.

Taksama praciahnuta ekspazicyja «Straty i nabytki. Los mastackich kaštoŭnaściaŭ Dziaržaŭnaj karcinnaj halerei. 1939—1957», jakuju možna naviedać da 23 sakavika 2025 hoda.

«Naša Niva» — bastyjon biełaruščyny

PADTRYMAĆ

Kamientary1

  • Ateist
    08.03.2025
    Iznoŭ kryžy, kryžyki. Adnym Kurapaty, druhim Chatyń.
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

«Ja chaču spraviadlivaści — i dla žančyn, i dla siabie». Ščyraja hutarka z Andrejem Stryžakom pra skandał z dykpikami, zaležnaści i budučyniu61

«Ja chaču spraviadlivaści — i dla žančyn, i dla siabie». Ščyraja hutarka z Andrejem Stryžakom pra skandał z dykpikami, zaležnaści i budučyniu

Usie naviny →
Usie naviny

«Matroškami ŭžo nie ździviš». U Rasii zaklikali stvaryć svoj anałah Łabubu3

Viadučaja «Marafonu adzinstva» ŭ padtrymku Łukašenki adpačyvała ŭ Łatvii27

Na poŭnačy Bresta praciahvaje śmiardzieć, ułady zaklikajuć «nie panikavać»2

Sa Šviecyi departujuć jašče adnu biełaruskuju siamju11

Pad Bychavam adkryli pomnik archieałahičnaj znachodcy 1960 hoda. Jon padobny da nadmahilla

Va Ukrainie pad upłyvam pratestaŭ viartajuć niezaležnaść antykarupcyjnym orhanam8

U Miorach padletak pradavaŭ parnahrafiju, vykarystaŭšy numar susieda

Bieraściejec pieratvaryŭ siamitonny vałun u kamiennuju vannu5

Minčuki skardziacca na atručvańnie paśla naviedvańnia viadomaha restarana. Pracu ŭstanovy prypynili7

bolš čytanych navin
bolš łajkanych navin

«Ja chaču spraviadlivaści — i dla žančyn, i dla siabie». Ščyraja hutarka z Andrejem Stryžakom pra skandał z dykpikami, zaležnaści i budučyniu61

«Ja chaču spraviadlivaści — i dla žančyn, i dla siabie». Ščyraja hutarka z Andrejem Stryžakom pra skandał z dykpikami, zaležnaści i budučyniu

Hałoŭnaje
Usie naviny →

Zaŭvaha:

 

 

 

 

Zakryć Paviedamić