U Rasii aryštavali byłoha dyrektara adnaho ź instytutaŭ Akademii navuk Biełarusi
U dačynieńni da biełaruskaha pradprymalnika i farmakołaha Dźmitryja Ramanoŭskaha, jaki źjaŭlajecca zasnavalnikam i hienieralnym dyrektaram niekalkich farmaceŭtyčnych kampanij u Rasii, zaviali kryminalnuju spravu ab zamachu na machlarstva ŭ asabliva bujnym pamiery (č.3 art. 30, č. 4 art. 159 KK RF), paviedamlaje telehram-kanał VČK-OHPU.
Svajoj viny Dźmitryj Ramanoŭski nie pryznaje, ale rašeńniem suda źmieščany ŭ SIZA.
U Biełarusi Ramanoŭski viadomy nie tolki jak biznesmien, ale i jak navukoviec. Z 2004 pa 2006 hod jon byŭ kiraŭnikom stvoranaha im Centra farmakałohii i taksikałohii, namieśnikam dyrektara pa navukovaj rabocie Instytuta fizika-arhaničnaj chimii Nacyjanalnaj akademii navuk Biełarusi. U 2006 hodzie na asnovie hetaha centra byŭ stvorany Instytut farmakałohii i bijachimii Akademii navuk, a Ramanoŭski staŭ jahonym pieršym dyrektaram i zajmaŭ hetuju pasadu da 2011 hoda.
Śćviardžajecca, što
«pad jaho kiraŭnictvam była stvoranaja sučasnaja navukova-daśledčaja baza instytuta ŭ Minsku i Hrodnie, stvoranyja nacyjanalny hadavalnik i ekśpierymientalna-bijałahičnaja klinika, zakładzienyja navukovyja škoły farmakałohii, taksikałohii i malekularnaj miedycyny, sfarmavanyja navukovyja kirunki i prahramy, raspracavanyja i ŭkaranionyja ŭ vytvorčaść dziasiatki novych lekavych srodkaŭ, pabudavany farmaceŭtyčny zavod «Akademfarm», sfarmiravanaja darožnaja karta raźvićcia farmaceŭtyčnaj pramysłovaści Biełarusi da 2025 hoda».
U hety čas Ramanoŭski, akramia kiravańnia instytutam, šmat času pryśviačaŭ spravie razhortvańnia ŭ Biełarusi farmaceŭtyčnaj pramysłovaści, a paśla vyjšaŭ na samastojny biznes-šlach, u tym liku ŭ Rasii.
Ciapier pa adnoj spravie z Ramanoŭskim, jak paviedamlajecca, prachodzić prezident dabračynnaha fondu «Čyrvony vierasień», vieteran FSB Vital Kazłoŭ. Jamu vystaŭlena abvinavačvańnie ŭ pasiarednictvie pry pieradačy chabaru ŭ asabliva bujnym pamiery (č. 4 art. 291.1 KK RF). Kazłoŭ taksama aryštavany.
U minułym hodzie ŭ Rasii byli pravodzilisia sudovyja razhlady adnosna firmaŭ «Maśmiedpreparaty» i TAA «Nanahien Rus», da stvareńnia i kiravańnia jakimi mieŭ dačynieńnie Dźmitryj Ramanoŭski.
Na sustrečy Łukašenki ź biznesmienami nikomu ź ich nie dali skazać ni słova? A centralnaj zadačaj było zapałochać Kim
Rasijski pradprymalnik chacieŭ padmazać FSB, ale hrošy pa darozie raskrali pasiaredniki
U Rasii pradprymalnik skončyŭ žyćcio samahubstvam paśla dopytu pra suviazi ź biełaruskaj kampanijaj
Ciapier čytajuć
Palčys, Andrejeva, Łojka i inšyja imiony — paśla vizitu amierykanskich dypłamataŭ u Minsk vyzvalili partyju palitviaźniaŭ5
Kamientary