U Minsku źjavicca dziciačy sadok u styli dziciačaha kanstruktara
U žyłym kvartale «Novaja Baravaja» pad Minskam pačali ŭzvodzić dziciačy sadok «Kubiki». Jahonyja fasady, interjery i ŭsia prylehłaja terytoryja buduć adsyłać da cacačnaha suśvietu, bo jany niby zroblenyja z roznakalarovaha kanstruktara, piša «Biełaruś i śviet».
Ustanova prymie 240 dziaciej roznaha ŭzrostu. Jaje płanujecca adkryć da kanca hoda. Adčuvańnie budynka-kanstruktara stvorać bujnyja pramavuholniki, na jakija biełymi linijami padzieleny fasad. Unutry ich — stylizavanyja kalarovyja detali roznaj daŭžyni. Uvachody taksama vykanajuć u vyhladzie cacačnych elemientaŭ.
U budynku pradumanyja śvietłyja interjery ź vialikimi voknami, a dla kantrastu architektary vykarystoŭvajuć jarkija kolery. Publičnyja prastory buduć pieraciakać z adnu ŭ inšuju dziakujučy zašklonym dźviaram i vitražam.
U sadku budzie šmat paznavalnaj hrafiki ź piersanažami lesu, tropikaŭ, pustyni i akijana, vykananych u vyhladzie jarkich kubikaŭ kanstruktara. Dzieci zmohuć sustreć tut śpiačaha mišku, tukana na halincy i krakadziła z ptušačkaj na nosie.
Prylehłuju terytoryju dobraŭparadkujuć tak, što jana stanie jašče adnoj adsyłkaj da detalaŭ kanstruktara. Praduhledžanyja dziciačaja placoŭka, hulniavy kompleks, haradok z zonaj darožnych znakaŭ, spartyŭnaja zona z humovym pakryćciom.
Ciapier čytajuć
«Hetaja partyja prajhranaja». Biełaruskija daśledčyki — pra toje, u što pieratvaryłasia Akademija navuk1
«Hetaja partyja prajhranaja». Biełaruskija daśledčyki — pra toje, u što pieratvaryłasia Akademija navuk
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu1616
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu16
«Ja skazaŭ na videa, što mianie nie katujuć — na toj momant heta było praŭdaj. A praź dźvie hadziny mianie źbili». Ukrainski žurnalist dva hady pravioŭ u rasijskim pałonie — voś što jon pieražyŭ11
Kamientary