Były staršynia Banka Kanady staŭ novym premjeram krainy na fonie handlovaj vajny z ZŠA, piša BBC.
Bolšuju častku svajoj pieramožnaj pramovy 59-hadovy Mark Kerni krytykavaŭ Trampa, jaki ŭvioŭ myty ŭ dačynieńni da Kanady, i zajaviŭ, što choča zrabić krainu 51-m štatam ZŠA.
«Amierykancy nie pavinny dapuskać pamyłak. U handli, jak i ŭ chakiei, Kanada pieramoža», — skazaŭ jon.
Kerni taksama zajaviŭ, što razmovy administracyi Trampa ab anieksii Kanady byli «varjackimi».
«My nikoli, ni ŭ jakim razie, nie staniem častkaj Złučanych Štataŭ. Amieryka — heta nie Kanada. My zusim inšaja kraina», — skazaŭ jon.
Jon taksama dadaŭ, što Kanada «pavažaje prezidenta ZŠA» i razumieje «jaho paradak dnia», padkreśliŭšy, što raniej užo pracavaŭ z Trampam na mižnarodnych sustrečach.
Kamientary