Rasija patrabuje «žalezabietonnych harantyj» nieŭstupleńnia Ukrainy ŭ NATA
U lubym mirnym pahadnieńni Maskva budzie damahacca harantyj taho, što Ukraina nie stanie členam NATA i zastaniecca niejtralnaj krainaj, zajaviŭ namieśnik ministra zamiežnych spraŭ Rasii Alaksandr Hruško ŭ intervju «Iźviestijam».
«My budziem patrabavać, kab častkaj hetaha pahadnieńnia stali žalezabietonnyja harantyi biaśpieki, — skazaŭ dypłamat. — Častkaj hetych harantyj pavinien stać niejtralny status Ukrainy, admovu krain NATA prymać jaje ŭ aljans. Ułasna, mienavita hetaje pałažeńnie i było zafiksavana ŭ prajektach adpaviednych pahadnieńniaŭ».
Prezident ZŠA Donald Tramp sprabuje zaručycca padtrymkaj prezidenta Rasii Uładzimira Pucina adnosna 30-dzionnaj prapanovy ab spynieńni ahniu. Jon paviedamiŭ žurnalistam, što źbirajecca pahavaryć z Pucinym u aŭtorak.
Hruško zajaviŭ, što lubaja doŭhaterminovaja mirnaja damova pa Ukrainie pavinna adpaviadać patrabavańniam Maskvy.
Namieśnik kiraŭnika MZS Rasii taksama vystupiŭ suprać raźmiaščeńnia va Ukrainie miratvorcaŭ z krain NATA.
«Miratvorčaść i NATA — uvohule niesumiaščalnyja rečy», — skazaŭ jon. Pavodle jaho słoŭ, «realnaja historyja aljansu składajecca z vajennych apieracyj».
Vialikabrytanija i Francyja zajavili, što hatovyja nakiravać miratvorčyja siły dla manitorynhu spynieńnia ahniu va Ukrainie.
«Nam absalutna ŭsio roŭna, pad jakoj šyldaj kantynhienty NATA mohuć być raźmieščanyja na terytoryi Ukrainy: ci to Jeŭraźviaz, NATA abo ŭ nacyjanalnaj jakaści. U lubym vypadku, kali jany źjaŭlajucca tam, heta aznačaje, što jany raźmiaščajucca ŭ zonie kanfliktu z usimi nastupstvami dla hetych kantynhientaŭ jak boku kanfliktu», — zajaviŭ Hruško.
«Havorka moža iści i pra niaŭzbrojenych naziralnikaŭ, hramadzianskuju misiju, jakaja b sačyła za vykanańniem asobnych aśpiektaŭ hetaha pahadnieńnia, abo pra harantyjnyja miechanizmy. A pakul — pustyja razmovy», — dadaŭ jon.
Ciapier čytajuć
Mižnarodny kryminalny sud pačaŭ rasśledavańnie złačynstvaŭ, ździejśnienych režymam Łukašenki15
Kamientary
[Zredahavana]
I, smotritie na "ohovorku" putina pro 2 tys km fronta s Ukrainoj, 2 tys možiet byť tolko s učastijem biełarusko-ukrainskoho učastka.
Zadaču po otkazu ot pieriemirija putin vypołnił, jemu nužny bieskoniečnyje pieriehovory s vojennymi diejstvijami, i iz Biełarusi tožie.
Dla etoho vyzyvał nielehitimca iz Drozdov.