Śviet

Zialenski spadziajecca, što ZŠA nie sastupiać patrabavańniam Rasii ab źniaćci sankcyj

Prezident Ukrainy Uładzimir Zialenski vykazaŭ nadzieju, što Złučanyja Štaty nie paddaducca patrabavańniam Rasii źniać sankcyi ŭ jakaści ŭmovy dla spynieńnia ahniu ŭ Čornym mory, piša Bi-bi-si.

Fota: Pier Marco Tacca / Getty Images

Maskva zajaviła, što pieramirje ŭ Čornym mory, jakoje pavinna zabiaśpiečyć biaśpieku sudnachodstva, ustupić u siłu tolki paśla admieny zachodnich abmiežavańniaŭ na handal praduktami charčavańnia i ŭhnajeńniami z Rasii.

Zialenski, jaki znachodzicca ź vizitam u Paryžy dla ŭdziełu ŭ samicie kaalicyi na padtrymku Ukrainy, u sieradu ŭviečary daŭ kamientar žurnalistam.

Adkazvajučy na pytańnie, ci zmohuć ZŠA supraćstajać patrabavańniam Maskvy, jon skazaŭ: «Ja spadziajusia na heta. Daj boh, zmohuć. Ale pahladzim».

Bieły dom zajaviŭ u aŭtorak, što rasijskaja i ŭkrainskaja delehacyi damovilisia ab spynieńni ahniu ŭ Čornym mory paśla troch dzion pieramovaŭ z amierykanskimi čynoŭnikami ŭ Saudaŭskaj Aravii.

Adnak praź niekalki hadzin Kreml apublikavaŭ ułasnuju zajavu, dzie byŭ pieraličany šerah umovaŭ. Siarod patrabavańniaŭ Maskvy — admiena zachodnich sankcyj u dačynieńni da finansavych ustanovaŭ, što zajmajucca handlem sielskahaspadarčaj pradukcyjaj, i adnaŭleńnie ich dostupu da mižnarodnaj płaciežnaj sistemy SWIFT.

Prezident ZŠA Donald Tramp paviedamiŭ, što ŭ Vašynhtonie razhladajuć zapyt Maskvy na admienu abmiežavańniaŭ, tady jak u Jeŭrasajuzie zajaŭlajuć, što kazać pra heta jašče rana.

«My nie źbirajemsia skasoŭvać sankcyi, tamu pakul što zanadta rana. U vyniku ŭsio zaležyć vyklučna ad vybaru Rasii na karyść ahresii — ci na karyść vykanańnia mižnarodnaha prava», — zajaviŭ prezident Francyi Emanuel Makron paśla pieramovaŭ ź Zialenskim u Paryžy.

Makron abvinavaciŭ Rasiju ŭ tym, što jana vystaŭlaje ŭsio novyja ŭmovy i nie reahuje na prapanovy ab spynieńni ahniu. Vystupajučy pierad žurnalistami ŭ Paryžy, Zialenski adznačyŭ, što vielmi ŭdziačny abiedźvium partyjam ZŠA za padtrymku, ale vykazaŭ zakłapočanaść tym, što niekatoryja amierykanskija čynoŭniki mohuć znachodzicca pad upłyvam rasijskich naratyvaŭ.

«My nie možam pahadzicca z hetymi naracyjami», — skazaŭ jon.

Adkazvajučy na pytańnie pra toje, z kim u prezidenta ZŠA Donalda Trampa bolš blizkija adnosiny — ź im ci z prezidentam Rasii Uładzimiram Pucinym, Zialenski skazaŭ, što nie viedaje.

«Ja nie viedaju, jakija ŭ jaho sapraŭdnyja stasunki, nie viedaju, kolki ŭ ich [u Trampa z Pucinym] było razmoŭ. U mianie nie nastolki blizkija adnosiny z Trampam, kab razumieć, nakolki blizkija jany z Pucinym», — dadaŭ ukrainski prezident.

Kamientary

 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Što za 17-hadovy startapier, jaki vyliŭ cebar chłuśni na Libiera na radaść biełaruskim śpiecsłužbam22

Što za 17-hadovy startapier, jaki vyliŭ cebar chłuśni na Libiera na radaść biełaruskim śpiecsłužbam

Usie naviny →
Usie naviny

Bijołah rastłumačyła, jak pravilna vybrać i apracavać suchafrukty2

«Ščaślivaja, što advažyłasia na śvińniu, a nie naradzić druhoje dzicia». Biełaruska haduje mini-piha i nie moža naradavacca24

Ministr adukacyi raskazaŭ, chto budzie adkazvać za zachavanaść mabilnikaŭ, jakija buduć zabirać u školnikaŭ1

Bajkier z chvastom. Brescki džek-raseł na matacykle staŭ zorkaj TikTok2

U Ofisie Cichanoŭskaj pracuje vykładčyk z Danii. Jon raskazaŭ, čamu kinuŭ kamfortnaje žyćcio i zaniaŭsia biełaruskaj spravaj27

Jak za hod źmianilisia ceny na nieruchomaść u bujnych haradach. Stalica nie ŭ lidarach rostu

Miełoni i Makron pasvarylisia nakont Ukrainy. Mierc starajecca ich pamiryć5

Pravy kandydat Simijon niečakana prajhraŭ na vybarach prezidenta Rumynii i ŭžo pryznaŭ parazu3

Fiermiery narakajuć: uradžaj budzie mały. Takich častych zamarazkaŭ nie nazirali apošnija 30 hadoŭ5

bolš čytanych navin
bolš łajkanych navin

Što za 17-hadovy startapier, jaki vyliŭ cebar chłuśni na Libiera na radaść biełaruskim śpiecsłužbam22

Što za 17-hadovy startapier, jaki vyliŭ cebar chłuśni na Libiera na radaść biełaruskim śpiecsłužbam

Hałoŭnaje
Usie naviny →

Zaŭvaha:

 

 

 

 

Zakryć Paviedamić