Kot parody mejn-kun staŭ rekardsmienam Knihi Hiniesa dziakujučy svajmu chvastu
Sierabrysty mejn-kun Pahśli z amierykanskaha štata Miniesota trapiŭ u Knihu rekordaŭ Hiniesa dziakujučy svajmu puchnatamu i doŭhamu chvastu. Akazałasia, što chvost Pahśli — daŭžejšy, čym u papiaredniaha rekardsmiena.
Pahśli Addams — miły šery svojski kot parody mejn-kun, jaki ŭžo dva hady žyvie ŭ siamji Kemieranaŭ u Maunde, štat Miniesota. Ale ŭ hetaha kata jość adna admietnaść — nievierahodna doŭhi chvost, jaki, darečy, pieraškadžaje jamu hulać.
Haspadary kata — fanaty piersanažaŭ kultavaha multfilma, tamu Pahśli atrymaŭ imia ŭ honar adnaho ź siamji Addams.
«Kali ja ŭpieršyniu adviezła jaho da vieterynara, toj uvajšoŭ u ofis i skazaŭ: «Heta vielmi doŭhi chvost!» Ja tady pahladzieła na svajho kata niejak inakš i padumała — heta sapraŭdy tak?» — raskazała Amanda Kemieran.
Paśla da pytańnia niezvyčajnaj daŭžyni kacinaha chvasta viartalisia jašče nieadnarazova, i adnojčy siamja vyrašyła daviedacca, jaki rekord zafiksavany ŭ Knizie Hinesa. Akazałasia, što ŭ Pahśli chvost daŭžejšy za toj pakazčyk.
Vieterynary staranna pamierali chvost Pahśli pa ŭsich praviłach i vyznačyli, što jon maje cełyja 18,5 dziujmaŭ (46,99 santymietra), što robić jaho hanarovym uładalnikam samaha doŭhaha chvasta žyvoha kata.
Katy parody mejn-kun — najbujniejšyja z usich. U ich šmat hustoj poŭści, i zvyčajna im patrabujecca 4-5 hadoŭ, kab dasiahnuć svajho poŭnaha pamieru. Pahśli jašče małady, tamu moža padraści razam z chvastom.
Kamientary
Tut fotka klasnaja, za voknami snieh i maroz, a my tut liažym, u tropikach, chvasty razviesiūšy...:)))