Dzieci radziej hłytajuć inšarodnyja pradmiety: navukoŭcy nazvali nievidavočnuju pryčynu
Niečakanyja plusy ličbavaj epochi.
Kali manieta patrapiła ŭ dychalnyja šlachi abo zatrymałasia ŭ straŭnikava-kišačnym trakcie, nastupstvy mohuć być navat śmiarotnymi. Ale dziakujučy pamianšeńniu kolkaści najaŭnych hrošaj i masavamu pierachodu na bieznajaŭny raźlik usio mienš dziaciej źviartajucca da daktaroŭ z starońnimi pradmietami ŭ horle i žyvacie, piša «Žittia» sa spasyłkaju na Popular Science.
Pa danych daśledčykaŭ, raniej maniety składali bolš za 60% usich vypadkaŭ prahłynańnia starońnich pradmietaŭ dziećmi va ŭzroście da piaci hadoŭ.
Ale pavodle daśledavańnia Karaleŭskaha kaledža chirurhaŭ Vialikabrytanii,
z 2012 pa 2022 hady kolkaść apieracyj pa vydaleńni starońnich pradmietaŭ z dychalnych šlachoŭ, nosa abo horła ŭ dziaciej skaraciłasia na 29%.
Najbolš rezkaje padzieńnie adbyłosia mienavita paśla taho, jak u krainie pačali masava vykarystoŭvać bieskantaktavyja płaciažy dziakujučy PayPal, Apple Pay, Google Pay i inš.
Aŭtary daśledavańnia adznačajuć, što ličbavyja płaciažy — nie adzinaja pryčyna stanoŭčaj dynamiki. U hety ž pieryjad:
- pavialičyłasia papularnaść dziciačych zamkoŭ i achoŭnaj upakoŭki;
- źjaviłasia bolš infarmacyjnych kampanij ab niebiaśpiecy dla dziaciej;
- pandemija COVID-19 skaraciła kolkaść zvarotaŭ u balnicu, a dystancyjnaja praca pavysiła ŭzrovień dohladu za dziećmi doma.
Ličbavy viek, na žal, nie pazbaŭleny pahroz. Zamiest maniet dzieci ŭsio čaściej hłytajuć drobnyja detali elektroniki — batarejki, šruby, mahnity. Zhodna z daśledavańniem Harvardskaha univiersiteta, u apošnija hady batarejki stali hałoŭnaj pryčynaj apieracyj pa vydaleńni starońnich pradmietaŭ u dziaciej.
Adnak maniety pa-raniejšamu zastajucca najbolš raspaŭsiudžanym abjektam vypadkovaha prahłynańnia.
Ciapier čytajuć
«Ja byŭ suprać, kab mianie mianiali na 20 rasijskich vajskoŭcaŭ. Nie zmoh by hladzieć u vočy ludziam, syny jakich siadziać»: pieršaje intervju eks-mera Chiersona11
Kamientary