Sud prysudziŭ Maryn Lo Pen da pazbaŭleńnia voli na čatyry hady i nieadkładnaha paražeńnia ŭ vybarčych pravach na piać hadoŭ.
Maryn Lo Pen i jašče vosiem deputataŭ Jeŭraparłamienta byli pryznanyja vinavatymi ŭ spravie ab kradziažy srodkaŭ hetaha zakanadaŭčaha orhana, paviedamlaje BFMTV.
Sud prysudziŭ Lo Pien da čatyroch hadoŭ turemnaha źniavoleńnia, dva ź jakich buduć umoŭnymi.
Zvyčajna ŭ Francyi pakarańni nie vykonvajucca da zaviaršeńnia apielacyjnaha pracesu. Adnak sudździ mohuć prymianić nieadkładnaje vykanańnie pakarańnia, i tady prysud ustupaje ŭ siłu adrazu. Mienavita takoje rašeńnie było pryniata.
Abvinavačvańnie nastojvaje, što ŭltrapravyja stvaryli schiemu kradziažu €21 tys. u miesiac, što vydzialajucca ES kožnamu deputatu dla apłaty pracy pamočnikaŭ.
Usiaho pa spravie prachodziać 27 čałaviek, ich padazrajuć u fiktyŭnym najmańni asistentaŭ u 2004—2016 hadach. Pamočniki, jak śćviardžajecca, na samaj spravie pracavali na nacyjanalnym uzroŭni. Siarod asistentaŭ Lo Pen (jeŭradeputat u 2004—2017 hadach) byli supracoŭnica štaba jaje partyi ŭ pryharadzie Paryža i ciełaachoŭnik baćki palityčnaj dziajački Žan-Mary Lo Pena.
Kamientary