«Siońnia nam, jak nikoli, patrebna vašaja dapamoha, kab i nadalej my mahli stvarać dla vas unikalny biełaruski kantent», — źviartajecca «Budźma» da čytačoŭ.
Kampanija «Budźma» prosić ab dapamozie, u inicyjatyvy nastali ciažkija časy.
«I siońnia nam, jak nikoli, patrebna vašaja dapamoha, kab i nadalej my mahli stvarać dla vas unikalny biełaruski kantent. My viedajem, što šmat chto z vas ros razam z «Budźmaj», pačynaŭ znajomicca ź biełaruščynaj praz našu kampaniju, hladzieŭ i čytaŭ nas, naviedvaŭ našyja mierapryjemstvy. My ščyra za heta ŭdziačnyja, a zaraz prosim vašaj padtrymki. Dla taho, kab naša kamanda mahła praciahvać pracavać dla vas danosiačy važnuju i cikavuju infarmacyju praz partał i sacyjalnyja sietki, kab rehularna stvaralisia novyja videa, nam nieabchodna 16000 jeŭra ŭ miesiac. Biezumoŭna, my i sami šukajem šlachi dla vyrašeńnia finansavych ciažkaściaŭ, adnak siońnia situacyja krytyčnaja. My nie zdolejem praciahnuć pracu biez vašaj dapamohi», — havorycca ŭ zvarocie.
Kampanija źviartajecca da čytačoŭ z prośbaj finansava padtrymać pracu našaj kamandy z tym, kab i nadalej stvaralisia admietnyja videaprajekty, jak «Sarmat» i «Tryzub i Pahonia», kab našyja aŭtary pisali na tyja temy, pra jakija mała chto piša i havoryć.
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim12
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3333
Kamientary
[Zredahavana]
[Zredahavana]