1 krasavika na sajcie «Minsk-naviny» źjaviłasia navina sa spasyłkaj na pres-słužbu Nacyjanalnaha banka pra toje, što ŭ Biełarusi źjavicca nacyjanalnaja kryptavaluta «zubr». Naturalna, heta byŭ pieršakrasavicki žart. Adnak jon nie spadabaŭsia Nacbanku.
«Žart, viadoma, «ŭdaŭsia». U Nacyjanalny bank navat pačali pastupać zvanki hramadzian, jakija žadali nabyć «zubra». Voś tolki da realnaści hetaja «navina» nie maje ni najmienšaha dačynieńnia. Nacyjanalny bank nie płanavaŭ i nie płanuje vypusk svajoj kryptavaluty. Kali b takija płany byli, my abaviazkova paviedamili b pra ich na aficyjnym sajcie Nacyjanalnaha banka nbrb.by i, viadoma ž, u našym telehram-kanale», — paviedamili ŭ hałoŭnaj finansavaj ustanovie krainy.
«Što tyčycca tvorčaj fantazii žurnalistaŭ, prosim kaleh źviarnuć uvahu na adzin vielmi važny momant: zaŭsiody znojducca machlary, hatovyja pradać davierlivym hramadzianam «novuju kryptavalutu». Tamu zaklikajem bolš adkazna padychodzić da vybaru tem dla pieršakrasavickich žartaŭ», — dadali ŭ Nacbanku.
Pamior 50-hadovy śpiecnazaviec Bućko. Jon byŭ udzielnikam vykradańnia i zabojstva Zacharanki i Hančara37
Kamientary