Zdareńni1313

U Minsku ludziej karmili zdychlacinaj, navat dziaciej u sadkach

Cech pierapracoŭki padali znachodziŭsia ŭ adnym budynku z apornym punktam milicyi. Ułady spravu zasakrecili, ale infarmacyju apubličyŭ «Biełpoł», u ruki jakoha trapiŭ dakład Hienprakuratury.

Ilustracyjny zdymak. Fota: sacyjalnyja sietki

Piać hadoŭ u Minsku i rajonie ludziej karmili miasam z mohilnikaŭ. Pra heta stała viadoma z dakłada Hienieralnaj prakuratury, tekst jakoj «Biełpoł» zdabyŭ i pieradaŭ «Biełsatu». Vyjaŭlenyja ŭdzielniki arhanizavanych hrup, jakija pierapracoŭvali padal, jakuju źbirali ŭ Homielskaj, Minskaj i Mahiloŭskaj abłaściach.

List ab pryčynach niezakonnaha abarotu miasa staršynia Śledčaha kamiteta Dźmitryj Hara skiravaŭ u sakaviku tahačasnamu premjer-ministru Ramanu Hałoŭčanku.

Paźniej vice-premjer pa sielskaj haspadarcy Juryj Šulejka razasłaŭ ministram handlu, sielskaj haspadarki, achovy zdaroŭja, staršyniam abłvykankamaŭ, a taksama staršyni Dziaržstandartu prośbu razhledzieć uźniatyja SK prablemy. 

Śledstva ličyć arhanizataram schiemy indyvidualnaha pradprymalnika Alaksandra Staravojtava. Schiema dziejničała ŭ 2021—2024 hadach.

Jak miarkuje SK, Staravojtaŭ mieŭ pad kantrolem try TAA: «ReałMitHandal», «Ahramitstar» (spyniła dziejnaść u vyniku rearhanizacyi 28 śniežnia 2023 hoda) i «Mitkonier». Pieršaja firma zakuplała, u tym liku praź biržu, miasa i pieradavała druhoj firmie pierapracoŭvać i fasavać. Ale štuka ŭ tym, što zakonna kuplenuju jałavičynu źmiešvali ź niezakonna zdabytaj, u tym liku z padłaj.

Śledstva dakazała, što na pierapracoŭvańnie pastupiła nie mienš za 57 tonaŭ niedabrajakasnaha miasa.

Narychtoŭčy cech dziejničaŭ u najmanym pamiaškańni ŭ žyłym masivie stalicy. Paznačany ŭ liście adras — vuł. Lidskaja, 22 — supadaje z adrasam ŽEU № 9 Frunzienskaha rajona Minska. Pad tym ža adrasam mieściacca punkt achovy paradku, vieterynarnaja klinika, dziciačyja i darosłyja studyi tancaŭ i śpievaŭ. 

Budynak na vuł. Lidskaj 22. Miensk, Biełaruś. Fota: Yandex.by

Hety cech farmalna naličvaŭ 5,5 pracaŭnika: buchhałtar na paŭstaŭki, adzin žyłoŭščyk miasa, dyrektar, technołah, vieterynar i prybiralnik.

Jak śćviardžaje SK, da pracy ź miasam pryciahvali «roznych asob, u tym liku tych, jakija viali asacyjalny ład žyćcia, biez afarmleńnia pracoŭnych stasunkaŭ i vykanańnia patrabavańniaŭ nakont abaviazkovaha papiaredniaha miedyčnaha ahladu».

Pierapracoŭvali nie mienš za tysiaču tonaŭ pradukcyi za hod, vyśvietlili śledčyja.

«Ahramitstar» i «Mitkonier» nazyvali siabie abjektami hramadskaha charčavańnia. Jak jany, tak i «ReałMitHandal», nie byli navat u Handlovym rejestry ci Rejestry vytvorcaŭ. 

Paśla pierapracoŭvańnia firma pradavała paŭfabrykaty optam, u tym liku HKUP «Drobnaaptovaja baza na Zachodniaj».

Jakraz apošniaja kampanija zabiaśpiečvała praduktami sadki Minska i rajona, a taksama škoły i balnicy.

Ułady spravu zasakrecili, ale infarmacyju apubličyŭ «Biełpoł», u ruki jakoha trapiŭ dakład Hienprakuratury.

Kamientary13

  • Brest
    09.04.2025
    jakija dehradanty. "80 let vialikaj pabiedy"
  • poniatno
    09.04.2025
    Tak krasaucam vsio možno !!!!
    Rubiat babło, poka nie sdochniet poślednij biełarus.
  • Vialikaja pabieda 2
    09.04.2025
    Pryniasicie jamu pracirku
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Hałyhina prymusili apraŭdvacca za zvarot da siłavikoŭ u 2020-m17

Hałyhina prymusili apraŭdvacca za zvarot da siłavikoŭ u 2020-m

Usie naviny →
Usie naviny

«Kožny raz dakazvaju, što ja čałaviek». Siamja biełarusaŭ z polskimi karaniami čatyry hady sprabuje atrymać DNŽ u Polščy13

Jak być maładym baćkam u 66 hadoŭ, pra maru i pra novy albom — u hutarcy ź lehiendaju fołku Ivanam Kirčukom6

Dziaŭčyna z-pad Maładziečna niekalki miesiacaŭ žyła ŭ Hdańsku na vulicy. Jana raskazała pra svajo niaprostaje žyćcio22

Nazvany top-25 kampanij ź biełaruskim kapitałam na Padlaššy

Hienštab Ukrainy paviedamiŭ, što straty Rasii pieravysili 1 miljon čałaviek7

Prezident Sierbii pachvaliŭsia, što nie padpisaŭ dekłaracyju samitu ŭ Adesie i «nie zdradziŭ» Rasii7

U minskim kafe zakazy razvozić robat-aficyjant

Chłopčyki ŭžo nie ŭ modzie? Baćki ŭsio čaściej chočuć dačok4

U Biełarusi znoŭ sabrali hrošy na lačeńnie dziciaci z SMA1

bolš čytanych navin
bolš łajkanych navin

Hałyhina prymusili apraŭdvacca za zvarot da siłavikoŭ u 2020-m17

Hałyhina prymusili apraŭdvacca za zvarot da siłavikoŭ u 2020-m

Hałoŭnaje
Usie naviny →

Zaŭvaha:

 

 

 

 

Zakryć Paviedamić