Hramadstva99

HUBAZiK vykłaŭ dyskredytujučaje fota zatrymanaha, jaki «prapahandavaŭ nacyzm». Ale na zdymku skandalny Z-błohier

Na adnym z fota Z-błohier z ukrainskimi karaniami, jaki piša pad psieŭdanimam Alhierd Siamionaŭ. Raskazvajem pra jaho.

Alhierd Siamionaŭ. Fota: Ukantakcie

Što zdaryłasia?

HUBAZiK u paniadziełak vykłaŭ publikacyju pra zatrymańnie 35-hadovaha biełarusa. Tam śćviardžałasia, što jon vioŭ «pravaradykalnyja nacyjanalistyčnyja kanały» i «papularyzavaŭ nacyzm».

Kab dyskredytavać zatrymanaha i ŭskładnić jaho znachodžańnie ŭ źniavoleńni, siłaviki apublikavali pryvatnyja zdymki mužčyny, nibyta znojdzienyja ŭ jaho mabilniku. Jon paziruje ŭ žanočym adzieńni i z morkvaj u rocie. Takija fatahrafii mohuć pryvieści da pieravodu aryštavanaha ŭ «nizki status».

Adnak prynamsi na adnym sa zdymkaŭ dakładna nie zatrymany biełarus, a rasijski Z-błohier z ukrainskimi karaniami. Moža, hetaha rasijskaha błohiera i schapili siłaviki? Nie, jon praciahvaje abnaŭlać svaje staronki. Dyj na videa z zatrymańnia čałaviek zusim inšaj kamplekcyi. 

Adnak publikacyja fejkavaha fota navodzić na dumku, što i astatnija ilustracyi, jakija vydajuć za zdymki zatrymanaha, mohuć być falšyvymi.

Skrynšot z telehram-kanała HUBAZiK

Chto taki Alhierd Siamionaŭ?

Cimur (Alhierd) Siamionaŭ. Fota ź jahonaj staronki Ukantakcie

Pa źviestkach Digital Intelligence Team, sapraŭdnaje imia «Alhierda Siamionava» — Cimur Dźmitryjevič Siamionaŭ. Jon naradziŭsia ŭ 1995 hodzie ŭ Kijevie. Paśla škoły pajechaŭ vučycca ŭ Varšavu, u Vyšejšuju škołu sacyjalnaj psichałohii. Paśla pierabraŭsia ŭ Rasiju — spačatku ŭ Krasnajarsk, a paśla ŭ Sankt-Pieciarburh (prynamsi tak jon piša ŭ sacsietkach).

Z 2013 hoda Siamionaŭ aktyŭničaje ŭ rasijskich ultrapravych kołach. Z 2017-ha viadzie ŭłasny błoh, taksama vioŭ pravakansiervatyŭny błoh z nazvaj Europride. Horača padtrymlivaje Rasiju ŭ vajnie jašče z 2014 hoda, siabie nazyvaje haračym prychilnikam vajny, a taksama pravakansiervataram i pravasłaŭnym.

Siamionaŭ kaža, što Ukrainie patrebnaja «tatalnaja rusifikacyja». Vitaje jon i ŭdary Rasii pa Ukrainie, naprykład, niadaŭniuju žachlivuju ataku pa Sumach, padčas jakoj zahinuli bolš za 30 mirnych žycharoŭ horada. Voś adna ź jahonych charakternych cytataŭ:

«Anijakich sastupak ciapierašniaj palityčnaj elicie Ukrainy. Zanadta šmat pastaŭlena na kon. Abo tatalnaja rusifikacyja, abo tatalnaja vajna da apošniaj zabitaj banderaŭskaj poskudzi».

Dopis z kanała Siamionava

Zarablaje «Alhierd» internet-machlarstvam, pradajučy anłajn-kursy kštałtu «Šery zarobak na zamiežnych sajtach».

Fatahrafii Z-błohiera ŭ žanočym adzieńni ŭspłyli ŭ 2017 hodzie i daŭno stali internet-miemam. Siamionaŭ nie admaŭlaŭ, što na zdymkach mienavita jon.

Čamu HUBAZiK vyrašyŭ vydać zdymak Z-błohiera za fota zatrymanaha — niezrazumieła.

Alhierd Siamionaŭ. Fota: Ukantakcie

«Naša Niva» — bastyjon biełaruščyny

PADTRYMAĆ

Kamientary9

  • babrujčanin
    16.04.2025
    Hetyja zet-kvir patryjoty pa pieriekannaniach aerentacyi ni viedajuć historyi rf ri hladzieli " Hibiel bohov" Jaki los usich Remaŭ jahod ježovych radekaŭ ińšych Edičak limonavych u nac Hiermanii i siesiesierie..
  • Kapitalist
    16.04.2025
    Hubazikavcy chorošo otrabatyvajut dieńhi, napisav v svoich novostiach, čto zadieržali privieržienca "idieołohii nacionał-socializma". Hubazik s nami, poputno diskrieditiruja socializm, upotrieblaja takije evfiemizmy. Kuda zadonatiť hubazikovcam?
  • 1234
    16.04.2025
    Tak, dyskredytavaŭ siabie hubazik, užo nichto siabie nie deskredytuje

Ciapier čytajuć

U Madrydzie rasstralali byłoha daradcu Janukoviča9

U Madrydzie rasstralali byłoha daradcu Janukoviča

Usie naviny →
Usie naviny

Hrodzienskija čynoŭniki ŭpryhožyli centralnuju vulicu płastykavymi kvietkami, choć spačatku abiacali žyvyja

U Lidskim rajonie mužčyna žyŭcom spaliŭ svajho znajomaha

U Smalavickim rajonie žychary praciahvajuć zmahacca suprać sažałki dla adkidaŭ ź Minska3

Adzinaja hmina ŭ Polščy, dzie pieramoh Mencen, zasielenaja biełarusami. Ale hałasavali nie jany22

Stryječnaha brata biełaruskaha komika Idraka Mirzalizade prysudzili ŭ Azierbajdžanie da 18 hadoŭ źniavoleńnia1

«Moładź bolš dušeŭnaja i dobraja za nas». U Navapołacku dzieci samaarhanizavalisia, kab dapamahčy mužčynu, jaki ŭpaŭ, padniacca4

Łukašenka pachvaliŭsia, što jamu na dzień naradžeńnia padaryli ŭsiudychod24

Łukašenku prapanavali zdabyvać redkaziamielnyja elemienty z pramysłovych adkidaŭ6

U biełaruskich kramach źjaviŭsia pradukt «Dubaj». Padobny da maroziva, ale nie zusim jano15

bolš čytanych navin
bolš łajkanych navin

U Madrydzie rasstralali byłoha daradcu Janukoviča9

U Madrydzie rasstralali byłoha daradcu Janukoviča

Hałoŭnaje
Usie naviny →

Zaŭvaha:

 

 

 

 

Zakryć Paviedamić