Deputat-historyk Daniłovič raskazaŭ pra 28 jeŭrapiejskich narodaŭ, jakija pryjšli zachoplivać Biełaruś razam z Hitleram
Vialikabrytanija i Francyja sankcyjanavali napad nacysckaj Hiermanii na SSSR, zajaviŭ namieśnik staršyni Pastajannaj kamisii pa adukacyi, kultury i navucy Pałaty pradstaŭnikoŭ Viačasłaŭ Daniłovič 17 krasavika ŭ Minsku na «adzinym dni infarmavańnia». Za mierapryjemstvam, jakoje tranślavała ahienctva «Minsk-Naviny», sačyła vydańnie «Pozirk».
Paryž i Łondan, pavodle słoŭ Daniłoviča, «farmalna vajnu Hiermanii abviaścili [paśla napadu Hitlera na Polšču 1 vieraśnia 1939 hoda]», ale pry hetym nibyta «paabiacali i zapeŭnili Hitlera: «Ty ni pra što nie dumaj i nie turbujsia. My vajnu abjavim, ale vajennych dziejańniaŭ vieści nie budziem. Chočaš Polšču — zabiraj Polšču. Hałoŭnaje, potym idzi suprać Savieckaha Sajuza».
«Na tak zvanym kalektyŭnym Zachadzie vielmi chočuć zabycca, što ŭ 1941 hodzie razam z vojskami viermachta, razam ź niemcami [na terytoryju Biełarusi] pryjšli 28 jeŭrapiejskich narodaŭ — pradstaŭnikoŭ, skažam tak, u dvukośsiach, hetych jeŭrapiejskich nacyj — ustaloŭvać novy nacyscki paradak na našaj ziamli», — śćviardžaje deputat.
Pry hetym navat u savieckaj histaryjahrafii jeŭrapiejskimi sajuźnikami hitleraŭskaj Hiermanii padčas Druhoj suśvietnaj vajny ličylisia tolki Italija, Vienhryja, Rumynija, Finlandyja i Bałharyja, prytym apošniaja nijakich svaich vojskaŭ dla viadzieńnia vajny na terytoryi SSSR nie pasyłała. I navat kali dałučyć da hetych krain stvoranuju tolki paśla niamieckaj akupacyi Čechasłavakii słavackuju dziaržavu, vajskoŭcy ź jakoj sapraŭdy vajavali ŭ SSSR, a taksama Ispaniju, jakaja pasłała na Uschodni front «Błakitnuju dyviziju», to 28 sajuznych nacystam jeŭrapiejskich narodaŭ nijak nie atrymlivajecca.
Pavodle słoŭ Daniłoviča, nacysckaja Hiermanija «nie sama pa sabie źjaviłasia i zdabyła moc, kab pajści na Uschod»: «jaje ŭzhadavali, vypiestavali tak zvanyja viadučyja zachodnija demakratyi, zachodnija krainy — ZŠA, Vialikabrytanija i Francyja».
Hetyja krainy, pa słovach Daniłoviča, «ukłali vielizarnyja hrošy va ŭzdym hiermanskaj ekanomiki, dali kart-błanš na mižnarodnaj arenie, addali na razarvańnie Hiermanii Čechasłavakiju i Polšču».
Deputat śćviardžaje, što heta «zachodnim demakratyjam» nieabchodna było dla taho, kab prybrać z palityčnaj areny «hetuju ašalełuju alternatyvu kapitalistyčnamu hramadstvu, jakim kiravali kirujučyja elity Zachadu»: «Takuju alternatyvu pradstaŭlaŭ mienavita Saviecki Sajuz».
Były dyrektar Instytuta historyi NANB i były rektar Akademii kiravańnia pry Łukašenku ličyć, što škoda ad akupacyi ŭ hady Druhoj suśvietnaj vajny dla Biełarusi składaje kala 2,3 tryljona dalaraŭ, a tamu padtrymlivaje ideju patrabavać u Bierlina za heta kampiensacyju.
«Sproby pierapisać historyju stali jašče bolš lutymi». Łukašysty źviarnuli ŭvahu na asartymient biełaruskich kniharniaŭ
Deputat-historyk Daniłovič: Stalin adyhraŭ vialikuju rolu ŭ dasiahnieńni pieramohi. Važna, kali jość lidar — jak u nas u Biełarusi
Pasoł Rasii apałčyŭsia na palitemihrantaŭ za «paŭzučuju pałanizacyju» Biełarusi
Ciapier čytajuć
«Vy ašaleli! Kolki my tracim hrošaj!» Łukašenka daručyŭ źmienšyć aśviatleńnie na vulicach11
«Vy ašaleli! Kolki my tracim hrošaj!» Łukašenka daručyŭ źmienšyć aśviatleńnie na vulicach
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ99
Kamientary