Hramadstva2626

Pasoł Rasii apałčyŭsia na palitemihrantaŭ za «paŭzučuju pałanizacyju» Biełarusi

Rukami biełaruskich palityčnych emihrantaŭ «realizujecca čarhovaja sproba paŭzučaj pałanizacyi» Biełarusi. Takaja zajava ŭtrymlivajecca ŭ artykule pasła Rasii ŭ Biełarusi Barysa Hryzłova, vydadzienym da «Dnia jadnańnia narodaŭ» i raspaŭsiudžanaj rasijskaj dypmisijaj dy prapahandysckimi resursami, zaŭvažyŭ «Pozirk».

Barys Hryzłoŭ. Fota: Contributor/Getty Images

«Ich hałoŭnaja zbroja — miakkaja siła, publikacyi, jakija zavablivajuć u sacsietkach, biaskryŭdnyja na pieršy pohlad virusnyja videaroliki i staranna aformlenyja paznavalnyja materyjały pra «słaŭnyja» bijahrafii psieŭdahierojaŭ, jakija na spravie źjaŭlajucca zdradnikami i pryhniatalnikami biełaruskaj kultury, movy i duchoŭnaj spadčyny», — napisaŭ Hryzłoŭ.

Jon nazvaŭ heta častkaj «vialikaj i staranna spłanavanaj infarmacyjna-psichałahičnaj śpiecapieracyi, zaklikanaj zakłaści kaštoŭnasny i ideałahičny padmurak dla nastupnaha farmiravańnia nacyjanalistyčnaha ruchu, jakoje ŭ vyniku pavinna vylicca ŭ čarhovy «Jeŭramajdan».

Pavodle śćviardžeńnia dypłamata, suprać Maskvy i Minska nibyta viadziecca «hibrydnaja ahresija, raźviazanaja zachodnimi elitami».

«Hetaja niebiaśpiečnaja hulnia, nakiravanaja taksama suprać sajuzu Rasii i Biełarusi, zaklikanaja sfarmavać u bratniaha biełaruskaha naroda falšyvy vobraz varožaha mocnaha susieda, jaki maryć — nie zusim zrazumieła, navošta — padparadkavać i zachapić. U kryvym lusterku takoha ŭsprymańnia intehracyja paŭstaje ledź nie kałanijalnym pracesam, niesumiaščalnym z zachavańniem Biełaruśsiu dziaržaŭnaha suvierenitetu», — ličyć jon.

«Zachodniaja prapahanda», pavodle viersii Hryzłova, «imkniecca pierakrucić historyju ŭzajemaadnosin rasijan i biełarusaŭ»: «razburyć naš duchoŭny pačatak». Pasłu ŭ suviazi z hetym «vidavočnaja pahroza, jakuju toić u sabie paturańnie razburalnamu ašalełamu nacyjanalizmu, jakoje karenicca ŭ admaŭleńni etnakulturnaha svajactva ŭschodnich słavian». Na jaho dumku, «mienavita taki scenar byŭ realizavany va Ukrainie».

Abvinavačvańni, jakija hučać ź ich vusnaŭ na adras Rasii, što taja maje namier «pahłynuć, asimilavać, pazbavić suvierenitetu» — heta, maŭlaŭ, nie bolš čym adhałoski ŭnutranaha kanfliktu, jaki raźjadaje Zachad: «U ich karcinu śvietu, zasnavanuju na padnačaleńni «vialikamu panu», nijak nie ŭpisvajecca mahčymaść vybudoŭvańnia raŭnapraŭnych adnosin».

«Zachad układaje kałasalnyja srodki i resursy ŭ ideałahičnuju apracoŭku nasielnictva, pierš za ŭsio — moładzi», — napisaŭ Hryzłoŭ.

Pavodle jaho śćviardžeńnia, prasoŭvajecca tezis, što Biełaruś «nibyta źjaŭlajecca častkaj zachodniaj cyvilizacyi», «z narodnaj pamiaci staranna vykreślivajucca staronki nie takoj daŭniaj historyi, u pryvatnaści, toj, jakaja papiaredničała vyzvaleńniu Čyrvonaj Armijaj u 1939 hodzie Zachodniaj Biełarusi ad polskaj akupacyi».

Kamientary26

  • Pocyk
    02.04.2025
    Čto, nie rabotajet vaša miahkaja siła? Vaš śvinarnik ničiem nie možiet sravniťsia so sriedniej jevropiejskoj stranoj. Odno ubožiestvo za priediełami Moskvy i Sankt-Pietierburha.
  • ruki vierch
    02.04.2025
    Rasieja układaje kałasalnyja srodki i resursy ŭ ideałahičnuju apracoŭku nasielnictva, pierš za ŭsio - moładzi.
  • .
    03.04.2025
    «...zdradnikami i pryhniatalnikami biełaruskaj kultury, movy i duchoŭnaj spadčyny»

    A čaho ty za biełarusaŭ kažaš?
    Kali ŭžo taki achoŭnik kultury, movy i duchoŭnaj spadčyny, tady vyvučy movu, uvajdzi ŭ kantekst kultury i spadčyny, i ŭžo adtul sfarmuluj. Heta budzie chacia b trochi aŭtentyčna.
    A tak, jak zaraz, vyhladaje jak prodaž taho, čaho nie maješ i nie razumieješ.
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Pamiatajecie paru studentki i vykładčyka, dzie jon starejšy na 31 hod? Akazvajecca, jon byŭ śviatarom, a jana vučyłasia na rehientku9

Pamiatajecie paru studentki i vykładčyka, dzie jon starejšy na 31 hod? Akazvajecca, jon byŭ śviatarom, a jana vučyłasia na rehientku

Usie naviny →
Usie naviny

«Pajechali z panam redaktaram Rusłanam Kulevičam pahladzieć na Hrodna. Praź binokl, bo jak ža jašče»1

Minčuk pajšoŭ rybačyć na karasioŭ, a vyłaviŭ rekordnaha ščupaka3

Łukašenka abmierkavaŭ z Babuškinym «Babulinu krynku»9

Pamiatajecie videa pra karovu ŭ sałonie «Žyhuloŭ»? Dla kiroŭcy papularnaść skončyłasia prablemami9

Pucin źmianiŭ mety ŭ vajnie — amierykanskaja raźviedka9

Valeryj Capkała raskazaŭ, čym ciapier zajmajecca16

Partyju, jakuju aktyŭna padtrymlivajuć łukašysty, pryznali ekstremisckaj u Hiermanii43

Błohiera Biaspałava zavočna asudzili na 18 hadoŭ. Suma kampiensacyi źmienšyłasia ŭ šmat razoŭ2

Turysty kupili tur u Ryhu, praviali 36 hadzin u aŭtobusie, ale navat nie trapili ŭ Jeŭrasajuz10

bolš čytanych navin
bolš łajkanych navin

Pamiatajecie paru studentki i vykładčyka, dzie jon starejšy na 31 hod? Akazvajecca, jon byŭ śviatarom, a jana vučyłasia na rehientku9

Pamiatajecie paru studentki i vykładčyka, dzie jon starejšy na 31 hod? Akazvajecca, jon byŭ śviatarom, a jana vučyłasia na rehientku

Hałoŭnaje
Usie naviny →

Zaŭvaha:

 

 

 

 

Zakryć Paviedamić