«Ja naohuł nie ŭ kursie». U niaśvižskaj milicyi raskazali, ci šukajuć Anžaliku Mielnikavu
U niaśvižskaj milicyi niama «na słychu» infarmacyi pra pošuki źnikłaj śpikierki Kaardynacyjnaj rady. «Biełsat» pad vyhladam jejnaj znajomaj spytaŭ, ci jość zajava pra źniknieńnie Mielnikavaj i čamu jaje nie šukajuć.
Učastkovy inśpiektar milicyi Raman Hniadźko raspavioŭ, što, kali kahości niama tak doŭha, jak Anžaliki Mielnikavaj, to dakładna možna aficyjna šukać — treba tolki asabista napisać zajavu. Udakładniajem, ci čuŭ jon pra źniknieńnie Mielnikavaj.
«Nie čuŭ», — kaža Raman Hniadźko.
Kali b my chacieli padać zajavu ab źniknieńni, to jaje b nie pryniali. Heta mohuć zrabić tolki blizkija svajaki, dadaje surazmoŭca.
«Ja naohuł nie ŭ kursie hetaj situacyi nakont vašaj Anžaliki Mielnikavaj. Vy zadajcie svajakam pytańnie, čamu jany jaje nie šukajuć. Kali miesiac prajšoŭ, para jaje šukać», — kaža Hniadźko.
— Moža, usio ž taki zajava padadzienaja?
«Nie mahu vam skazać [čamu jaje nie šukajuć]. U mianie na słychu niama takoha», — adznačaje ŭčastkovy.
***
Pra źniknieńnie śpikierki Kaardynacyjnaj rady Anžaliki Mielnikavaj jaje kalehi paviedamili ŭviečary 28 sakavika. U zajavie Paŭła Łatuški havaryłasia, što suviaź adsutničaje z 25 sakavika, adnak havorka idzie pra anłajn-kamunikacyju. Nasamreč Mielnikavu ŭžyvuju nie bačyli ŭžo daŭnym-daŭno. Paźniej stała viadoma, što Anžalika Mielnikava pakinuła terytoryju Jeŭrasajuza 26 lutaha, a jaje były muž źjechaŭ z Polščy ŭ Biełaruś 3 sakavika.
7 krasavika žurnalistam «Lusterka» ŭdałosia parazmaŭlać z byłym mužam Anžaliki Mielnikavaj, jaki paćvierdziŭ, što znachodzicca ŭ Biełarusi, a dzieci — pry im. Baćki Mielnikavaj u razmovie z žurnalistam «Jeŭraradyjo» taksama paćvierdzili, što dzieci znachodziacca ŭ Biełarusi, a pra miescaznachodžańnie samoj Anžaliki jany sami ničoha nie viedajuć i tryvožacca.
8 krasavika vice-śpikierka Kaardynacyjnaj rady Stanisłava Hlińnik, jakaja ciapier vykonvaje abaviazki śpikierki, paviedamiła, što 13 sakavika z akaŭnta Anžaliki Mielnikavaj byli spampavanyja fajły, da jakich jana mieła dostup u ramkach pracy Kaardynacyjnaj rady. Siarod ich — stratehičny płan, biudžet, unutranyja dakłady i inšyja apieracyjnyja materyjały pačynajučy ź lipienia 2024 hoda.
10 krasavika telekanału «Biełsat» stała viadoma, što z rachunka fondu Białoruś Liberty, zasnavanaha Anžalikaj Mielnikavaj, źniali hrošy. Zrabiła heta jana sama ci chto inšy, pakul nieviadoma.
14 krasavika stała viadoma, što rasśledavańnie źniknieńnia Anžaliki Mielnikavaj u Polščy pieraviali na bolš vysoki ŭzrovień — zamiest Varšaŭskaj akruhovaj prakuratury hetym budzie zajmacca Nacyjanalnaja prakuratura. Na dumku śledčych, spravu pavinny rasśledavać prakurory, jakija zajmajucca najbolš važnymi spravami, u tym liku pytańniami špijanažu.
«Jana pracavała i atrymlivała zarobak». NAU adkazaŭ nakont hrošaj Mielnikavaj
Mielnikava prasiła, kab jaje apošniaje zapisanaje intervju vyjšła raniej za siaredzinu sakavika
«Mielnikava pazyčała hrošy aktyvistam u Varšavie i nie prasiła viarnuć»
«Mielnikava pazyčała hrošy aktyvistam u Varšavie i nie prasiła viarnuć»
Eks-muž Mielnikavaj: Pra źniknieńnie Anžaliki nikudy nie źviartaŭsia, nie baču sensu
Lavončyk: Mielnikava vylecieła ŭ Łondan i, nie zatrymlivajučysia, vylecieła z Łondana — heta 100-pracentna
Ciapier čytajuć
Što Polšča i Biełaruś chočuć adzin ad adnaho pry vyzvaleńni Pačobuta? A Kanapackaja vyzvałasia stać paručycielem2
Kamientary